ខេត្តព្រះសីហនុ ៖ នៅវេលាម៉ោង១៧ និង១៥នាទីល្ងាចថ្ងៃទី៦ ខែតុលា ឆ្នាំ២០១៧ គេបានប្រទះឃើញសាក សពមនុស្សអណ្តែតទឹកនៅចំណុចស្ទឹង ក្រោយចំការកៅស៊ូ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុក កំពង់សិលា ។

សមត្ថកិច្ចបានឲ្យដឹងថា សពមានឈ្មោះ គង់ មួយ ភេទស្រី អាយុ៦៦ឆ្នាំ មានស្រុកកំណើតខេត្តស្វាយរៀង ។ បច្ចុប្បន្នទីលំនៅក្បែរកន្លែងកើតឡើយ ។

សមត្ថកិច្ចប្រាប់ឲ្យទៀតថា មូលហេតុ គឺជនរងគ្រោះជាមនុស្សចាស់វង្វេង ហើយបាត់ខ្លួនរយៈពេល៦ថ្ងៃមកហើយ ដោយគ្រួសារតាមរកមិនឃើញ ទើបមកដល់ពេលនេះ មានប្រជាពលរដ្ឋប្រទះឃើញសពអណ្តែតទឹក នៅចំណុច ខាងលើ ។

ក្រោយពេលកើតហេតុកម្លាំងប៉ុស្ត៏រដ្ឋបាលបានពិនិត្យដោយបានអះអាងថា មិនជាប់ពាក់ព័ន្ធនឹងអំពើឃាតកម្មអ្វី ឡើយ រួចក៏ប្រគល់ឲ្យទៅក្រុមគ្រួសារធ្វើបុណ្យតាមប្រពៃណី ៕ ឆ្លាម សមុទ្រ