ខេត្តស្វាយរៀង ៖ បុរសម្នាក់បានរងរបួសធ្ងន់ ហើយត្រូវបានសមត្ថកិច្ចជួយសង្គ្រោះដឹកមកកាន់មន្ទីពេទ្យ បន្ទាប់ពីជិះម៉ូតូទៅបុកត្រាក់ទ័សណ្ដោងរឺម៉កពីក្រោយពេញទំហឹង កាលពី វេលាម៉ោង៦និង៤០នាទីល្ងាចថ្ងៃទី៦ ខែតុលា ឆ្នាំ២០១៧ ​ត្រង់ចំណុចផ្លូវជាតិលេខ១ ស្ថិតនៅភូមិ ដើមពោធិ៍ ឃុំស្វាយតា យាន ស្រុកកំពង់រោទិ៍ ខេត្តស្វាយរៀង​។

តាមសមត្ថកិច្ចនគរបាលស្រុកបានអោយដឹងថា បុរសដែលរងរបួសមានឈ្មោះ ពេជ ឈន អាយុ ៣៥ មុខរបរ កម្មករ រស់នៅភូមិ ក្អាម ឃុំអង្គប្រស្រែ ស្រុករមាសហែក ខេត្ត ស្វាយរៀងដោយជិះម៉ូតូម៉ាក ហុងដាឌ្រីម ពណ៍ ខ្មៅ ស្លាកលេខ ភ្នំពេញ 1FA 5761 ខូចខាតយ៉ាងដំណំ។ ចំណែកអ្នកបើកត្រាក់ទ័រ បានរត់គេចខ្លួនបាត់ ។

តាមសាក្សីបានអោយដឹងថាមុនកើតហេតុមានបុរសម្នាក់បានជិះម៉ូតូមួយគ្រឿងតែម្នាក់ឯងដោយធ្វើដំណើរ ពីទិសខាង លិចទៅកើតស្របគ្នា ខណះនោះក៏មានអ្នកបើកត្រាក់ទ័រ សណ្ដោងរឺម៉ក អត់មានភ្លើងបំភ្លឺផ្លូវបណ្ដាលអោយអ្នកជិះម៉ូតូមើលមិនឃើញក៏បុកពីក្រោយយ៉ាងពេញទំហឹងលាន់សូរដូចរន្ទះបាញ់បង្កអោយមានការភ្ញាក់ផ្អើលតែម្ដង។

ក្រោយមកអ្នករងរបួសធ្ងន់ ត្រូវបានសមត្ថកិច្ចនគរបាលបញ្ចូនទៅមន្ទីរពេទ្យខេត្តស្វាយរៀងដើម្បីព្យាបាលចំណែកមធ្យោបាយទាំងពីរគ្រឿងត្រូវបានធ្វើការវាស់វែងនិងអូសយកមករក្សាទុកនៅអធិការដ្ឋាននគរបាលស្រុកស្វាយទាបដើម្បីរង់ចាំការដោះស្រាយតាមនិតិវិធី ៕