ខេត្ដកណ្ដាល៖ បុរសវ័យចំណាស់ ម្នាក់ត្រូវបានគេប្រទះឃើញដេកស្លាប់ នៅក្នុងវត្ដបង្កការភ្ញាក់ផ្អើលដល់ដូនជី តាជីនិងព្រះសង្ឃក្នុងវត្ដរាយការណ៍ ដល់សមត្ថកិច្ចកាលពីវេលាម៉ោង៥ និង៣០ នាទីព្រឹកថ្ងៃទី១៦ ខែតុលា ឆ្នាំ២០១៥ ស្ថិតក្នុងវត្ដកោះសត្ថារាម ភូមិចិនកោះ ឃុំគគីរ ស្រុកកៀនស្វាយ ខេត្ដកណ្ដាល ។
ប្រភពព័ត៌មានពីនគរបាលបានប្រាប់ថា ជនរងគ្រោះត្រូវបានគេស្គាល់ឈ្មោះ មឿន អាយុប្រហែល៦០ឆ្នាំ មកស្នាក់នៅ ក្នុងវត្ដជាង១ឆ្នាំមកហើយមានស្រុក កំណើតនៅស្រុកកំចាយមារ ខេត្ដព្រៃវែង។
តាមប្រភពឱ្យដឹងថា រាល់ថ្ងៃគេធ្លាប់ តែឮបុរសចំណាស់ក្រោកពីព្រឹកព្រលឹម ធ្វើកិច្ចការផ្សេងៗ ។ ប៉ុន្ដែនៅថ្ងៃកើត ហេតុហាក់ស្ងាត់មិនឮសំឡេងគាត់និង ដោយពីល្ងាចគាត់បានហូបស្រាច្រើន ពេកហើយមិនបានហូបបាយផងបារម្ភ ខ្លាចគាត់មានអាការមិនស្រួសក៏បាននាំគ្នាទៅមើលទើបឃើញគាត់សម្រាន្ដក៏ ទៅដាស់តែមិនភ្ញាក់ទៅអង្រួនមើល ទើបដឹងថា គាត់ស្លាប់ទៅហើយក៏មាន ការឆោឡោងភ្ញាក់ផ្អើលដល់ចៅអធិការវត្ដរាយការណ៍ដល់សមត្ថកិច្ចចុះអន្ដរា គមន៍តែម្ដង ។
ក្រោយពីកើតហេតុសមត្ថកិច្ចបច្ចេកទេសចុះទៅត្រួតពិនិត្យឃើញជនរងគ្រោះ ស្លាប់ដោយខ្យល់គរក៏ប្រគល់សាកសព ឱ្យព្រះសង្ឃបូជានៅក្នុងវត្ដនោះទៅ ៕
ដោយ៖ សហការី
