ភ្នំពេញ៖ ជនស្ស័យចំនួន២នាក់ត្រូវបានសមត្ថកិច្ចនគរបាលប៉ុស្តិ៍ទឹកថ្លាធ្វើការឃាត់ខ្លួនខណៈដែលពួកគេបានចូលទៅប្រើប្រាស់គ្រឿងញៀនក្នុងបន្ទប់ជួលមុខពេទ្យលោកសង្ឃ ។

ការឃាត់ខ្លួននេះបានធ្វើឡើងកាលពីវេលាម៉ោង១៥និង៣០នាទីរសៀលថ្ងៃទី១៦ ខែតុលា ឆ្នាំ២០១៥នៅចំណុចបន្ទប់ជួលស្ថិតក្នុងក្រុម១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

សមត្ថកិច្ចបានអោយដឹងថាជនសង្ស័យទាំ២នាក់ដែលឃាត់ខ្លួននោះទី១មានឈ្មោះទ្រី ភារម្យ ភេទប្រុស អាយុ២៧ឆ្នាំមុខរបរកម្មកសំណង់ស្នាក់នៅផ្ទះជួលក្នុងសង្កាត់កាកាប ខណ្ឌពោធិ៍សែនជ័យ មានស្រុកកំណើតភូមិព្រៃខ្លា ឃុំព្រៃពន្លង ស្រុកកោះអណ្តែត ខេត្តតាកែវ និងទី២មានឈ្មោះម៉ន ពៅ ភេទប្រុស អាយុុ២០ឆ្នាំមុខរបរកម្មកសំណង់ស្នាក់នៅផ្ទះជួលសង្កាត់កាកាប ខណ្ឌពោធិ៍សែនជ័យ មានស្រុកកំណើតភូមិព្រៃខ្លា ឃុំព្រៃពន្លង ស្រុកកោះអណ្តែត ខេត្តតាកែវ ។

សមត្ថកិច្ចបានអោយដឹងទៀតថាមុននឹងឃាត់ខ្លួនជនសង្ស័យខាងលើគឺកម្លាំងល្បាតរបស់នគរបាលប៉ុស្តិ៍ទឹកថ្លាបានធ្វើការល្បាតនៅចំណុចខាងលើហើយក៏ប្រទះឃើញជនសង្ស័យទាំងពីរនាក់នេះកំពុងសំងំប្រើប្រាស់គ្រឿងញៀងក្នុងបន្ទប់ជួល រួមជាមួយសម្ភារៈជក់មួយចំនួនក៍ធ្វើការឃាត់ខ្លួនយកមកសាកសួរតែម្តង ។

នៅចំពោះមុខសមត្ថកិច្ចជនសង្ស័យទាំង២នាក់បានឆ្លើយសារភាពប្រាប់ថារូបគេពិតជាបានចូលទៅប្រើប្រាស់គ្រឿងញៀនពិតប្រាកដមែន។
បច្ចុប្បន្នជនសង្ស័យទាំង២នាក់រួមទាំងវត្ថុតាងកំពុងឃាត់ខ្លួននៅអធិការដ្ឋានខណ្ឌសែនសុខដើម្បីចាត់ការបន្តតាមនិតិវិធី ៕

ដោយ៖ តុង សីហា