ខេត្តកំពង់ចាម ៖ កាលពីវេលាម៉ោង១និង២០នាទី ថ្ងៃទី៣០ ខែតុលា ឆ្នាំ២០១៧ កម្លាំងជំនាញ អធិការដ្ឋាននគរបាលស្រុកកំពង់សៀម និងកម្លាំងប៉ុស្តិ៍បាលរអាង ដឹកនាំដោយលោក វរសេនីយ៍ទោ ឯក ប៉ាន់ដន អធិការដ្ឋាននគរបាលស្រុកកំពង់សៀម ចុះប្រតិបត្តិការបង្ក្រាប ឃាត់ខ្លួនបានជនសង្ស័យចំនួន២នាក់ ករណីជួញដូរដោយខុសច្បាប់នូវសារធាតុញៀន នៅ ភូមិអំពិលលើ ឃុំអំពិល ស្រុកកំពង់ សៀម ខេត្តកំពង់ចាម ។
ជនសង្ស័យទី១-ឈ្មោះ សុខ ច័ន្ទដារ៉ា ភេទប្រុស អាយុ៣៤ឆ្នាំ និង២-ឈ្មោះ នី ស្រីណុច ភេទស្រី អាយុ២០ឆ្នាំ អ្នកទាំពីរមានទីលំនៅភូមិចុងថ្នល់ទី២ សង្កាត់បឹងកុក ក្រុងកំពង់ចាម ខេត្តកំពង់ចាម។ ក្នុងនោះសមត្ថកិច្ចរឹបអូសវត្ថុតាង ថ្នាំញៀន១កញ្ចប់តូច ម៉ូតូ១គ្រឿងម៉ាក វ៉េវអាល់ហ្វា ពណ៌ខ្មៅ ពាក់ស្លាកលេខកំពង់ចាម1D-8539 ។
ក្រោយឃាត់ខ្លួនជនសង្ស័យទាំងពីរនាក់ខាងលើ សមត្ថកិច្ចបន្តឃាត់ខ្លួនម្នាក់ទៀតឈ្មោះ ឡុង វិសាល ហៅ លាង ភេទប្រុស អាយុ២៣ឆ្នាំ នៅភូមិឡឥដ្ឋ សង្កាត់បឹងកុក ក្រុងកំពង់ចាម ជិៈម៉ូតូមួយគ្រឿងម៉ាកវីត្រុន ពណ៌ខៀវ គ្មានស្លាកលេខ ។ ក្រោយមកសមត្ថកិច្ចបានធ្វើការ ឆែកឆេរផ្ទះរបស់ឈ្មោះ សុខ ចន្ទ័ដារ៉ា រកឃើញម្សៅក្រាមពណ៌សសង្ស័យជាថ្នាំញៀនចំនួន ៩កញ្ចប់ តូច៨កញ្ចប់ មធ្យម១កញ្ចប់ និងឧបករណ៍សេពគ្រឿងញៀនមួយចំនួន។
ដោយឡែកនៅក្នុងថ្ងៃដដែលនោះ កម្លាំងជំនាញការិយាល័យប្រឆាំងគ្រឿងញៀន សហការជា មួយកម្លាំងជំនាញអធិការដ្ឋាននគរបាលស្រុកជើងព្រៃ ដឹកនាំដោយលោកវរសេនីយ៍ត្រី ជីវ សេងរស់ នាយរងការិយាល័យប្រឆាំងគ្រឿងញៀនប្រតិបត្តិការបង្ក្រាប ករណីជួញដូរ និង ប្រើប្រាស់ដោយខុសច្បាប់នូវសារធាតុញៀន នៅចំណុចភូមិប្របឹង ឃុំស្តើងជ័យ ស្រុកជើង ព្រៃ ខេត្តកំពង់ចាម ដោយប្រើវិធានញុះញង់ ឃាត់ខ្លួនជនសង្ស័យ១នាក់ ឈ្មោះ ភិន យន ភេទប្រុស អាយុ៣៥ឆ្នាំ ជាតិខ្មែរ នៅភូមិប្របឹង ឃុំស្តើងជ័យ ស្រុកជើងព្រៃ ខេត្តកំពង់ចាម ដកហូតបានវត្ថុតាងថ្នាំញៀន១កញ្ចប់តូច។
ក្រោយមកសមត្ថកិច្ចបានបន្តបង្ក្រាបនិងឃាត់ខ្លួនជនសង្ស័យបាន៦នាក់ទៀត ១-ឈ្មោះ អម ទូច ភេទប្រុស អាយុ២៦ឆ្នាំ ជាតិខ្មែរ នៅភូមិប្រសាំ ឃំុទំនប់ ស្រុកបាធាយ ខេត្តកំពង់ចាម, ២-ឈ្មោះ ធា វណ្ណា ភេទប្រុស អាយុ២០ឆ្នាំ ជាតិខ្មែរ នៅភូមិទីព្រង ឃំុទ្រាប់ ស្រុកបាធាយ ខេត្តកំពង់ចាម,៣-ឈ្មោះ តឿ ញ៉ែម ភេទប្រុស អាយុ២៥ឆ្នាំ ជាតិខ្មែរ នៅភូមិស្រឹង ឃំុទំនប់ ស្រុកបាធាយ ខេត្តកំពង់ចាម, ៤-ឈ្មោះ ខ្លូត សុភក្តិ ភេទប្រុស អាយុ៣០ឆ្នាំ ជាតិខ្មែរ នៅភូមិសែនសុនជេីង ឃំុស្រងែ ស្រុកជេីងព្រៃ ខេត្តកំពង់ចាម,៥-ឈ្មោះ ញាញ ប៊ុនតុង ភេទប្រុស អាយុ២៤ឆ្នាំ នៅភូមិស្តេីងជ័យ ស្រុកជេីងព្រៃ ខេត្តកំពង់ចាម,៦- ឈ្មោះ ភេន សុភីន ភេទប្រុស អាយុ១៨ឆ្នាំ នៅភូមិប្របឹង ឃំុស្តេីងជ័យ ស្រុកជេីងព្រៃ ខេត្តកំពង់ចាម។
ដកហូតវត្ថុតាងរួមមាន៖ ម៉ូតូចំនួន៥គ្រឿង ទូរស័ព្ទដៃ ៤គ្រឿង និងប្រាក់មួយចំនួន ។
ជនសង្ស័យរួមនិងវត្ថុតាងខាងលើ កម្លាំងជំនាញបានកសាងសំណុំរឿងបញ្ជូនបន្តទៅសាលា ដំបូងខេត្តតាមនីតិវិធី ៕ វណ្ណៈ
