ខេត្តតាកែវ ៖ បន្ទាប់ពីមានភាពចម្រូងចម្រាស ករណីក្រុមមន្ត្រីប៉ុស្តិ៍រដ្ឋបាលឃុំរវៀង គ្រោងផ្តឹតមេដៃប្តឹងទៅកាន់ស្នងការនគបាលខេត្ត តាកែវ ករណីនាយប៉ុស្តិ៍របស់ខ្លួន ស៊ីដាច់លុយគម្រោងភូមិ ឃុំ មានសុវត្ថិភាពរួចមកស្នងការរងនៃស្នងការដ្ឋាននគបាលខេត្តតាកែវ មួយរូបបានលើកឡើងថាអធិការស្រុកសំរោងគ្មានលទ្ធភាពអប់រំមេប៉ុស្តិ៍រវៀង គួរតែសរសេររបាយការណ៍មកស្នងការដ្ឋាននគរបាលខេត្ត។
លោក ឃី វណ្ណា ស្នងការរងទទួលផែនធនធានមនុស្ស នៃស្នងការដ្ឋាននគរបាលខេត្តតាកែវបានបញ្ជាក់ប្រាប់អោយដឹងថា មកទល់ពេលនេះលោកនៅមិនទាន់ទទួលបានរបាយការណ៍ណាមួយទាក់ទងនឹងការគ្រោងប្តឹងរបស់ក្រុមមន្ត្រីប៉ុស្តិ៍រដ្ឋបាលឃុំរវៀង មកកាន់ស្នងការដ្ឋាននោះទេ ដោយសារលោក មឿង សារ៉ុន អធិការស្រុកសំរោង អសមត្ថភាពក្នុងការអប់រំតែមិនរាយការណ៍ជូនថ្នាក់លើ។ លោកបន្តទៀតថា លោក មឿង សារ៉ុន អធិការស្រុកសំរោង គួតែសសេរបាយការណ៍ តាមឋានានុក្រមផ្ញើជូនមកកាន់ស្នងការដ្ឋាននគរបាលខេត្ត អោយចាត់វិធានការលើកំហុសឆ្គងរបស់លោក ស តារា មេប៉ុស្តិ៍រវៀង ដែលប្រព្រឹត្តិកំហុសផ្ទុយពីច្បាប់របស់អង្គរភាព ហើយលោកនិងចាត់ការតាមច្បាប់ទៅលើលោកអធិការស្រុកសំរោង និងលោកមេប៉ុស្តិ៍ររដ្ឋបាលឃុំវៀង។
ជុំវិញករណីរឿងស៊ីដាច់លុយគម្រោងភូមិ ឃុំ មានសុវត្តិភាពនេះ លោក ស តារា នាយប៉ុស្តិ៍រដ្ឋបាលឃុំរវៀង បានអោយដឹងថា ចំពោះលុយគម្រោងភូមិ ឃុំមានសុវត្ថិភាពលោកមិនទាន់បានឆែកមើលនៅឡើយទេ ហើយលោកក៏គ្មានមូលហេតុអីដែលត្រូវទៅបកស្រាយប្រាប់កូនចៅដែរ ព្រោះពួកគេគ្មានសិទ្ធសម្រេចអីទាំងអស់ គឺមានតែលោកទេដែលមានសិទ្ធចាត់ចែងបែងចែកចំណាយផ្សេងៗ។
ចំណែក លោក មឿង សារ៉ុន អធិការស្រុកសំរោងក៍ធ្លាប់បានប្រាប់អោយដឹងផងដែរថា លោកពិបាកក្នុងការណែនាំណាស់ ព្រោះនាយប៉ុស្តិ៍រូបនេះនិយាយលែងស្តាប់គ្នាទៅហើយ ហើយនេះជារឿងរបស់គាត់ អោយទៅតាមដំណើរណឹងទៅ ៕ ភ្នំដា
