ភ្នំពេញ ៖ យុវជនពីរនាក់បានរងការបាត់បង់ជីវិតភ្លាមៗ ដោយត្រូវរថយន្តកូរ៉េបុកនិងកិន ហើយបានបើករត់ គេចបាត់ កាលវេលាម៉ោង៤និង១០នាទី ថ្ងៃទី២៣ខែវិច្ឆិកា ឆ្នាំ២០១៧ ស្ថិតតាមផ្លូវបេតុង ក្នុងភូមិសំរោងសង្កាត់ ឃ្មួញ ខណ្ឌសែនសុខ រាជធានីភ្នំពេញ ។
ជនរងគ្រោះជិះម៉ូតូម៉ាកហុងដាគុបពណ៌ ទឹកប៊ិច ពាក់ស្លាកលេខផ៣៥៧២ភព១។
ជនរងគ្រោះទាំងពីរត្រូវបានស្គាលឈ្មោះ ១-ឆាន ហន អាយុ១៨ឆ្នាំ ២-ឈ្មោះ យំ យេក អាយុ១៨ឆ្នាំ ។ អ្នកទាំងពីរនាក់មានមុខរបរជាកម្មករបោចមាន់ទា និងស្នាក់នៅផ្ទះជួលនៅសង្កាត់ទឹកល្អក់១ ខណ្ឌទួលគោក ។
ប្រភពមិនច្បាស់លាស់មួយបានអោយដឹងថា ជនរងគ្រោះអាចជិះម៉ូតូរអិលដួល ស្របពេលរថយន្តបើកពីក្រោយបុកនិងកិនស្លាប់ភ្លាមៗតម្តង៕ តុងសីហា
...
