ភ្នំពេញ៖ ស្រ្តីម្នាក់ជាមុខសញ្ញាចាស់ដើរលួចការបូបនៅក្នុងផ្សារសេរីភាពត្រូវម្ចាស់ការបូបឃាត់ខ្លួនទើបប្រគល់ឲ្យសមត្ថកិច្ចខណ្ឌ៧មករា។ កាលពីវេលាម៉ោង៩និង១០នាទីថ្ងៃសុក្រ ១២រោច ខែ មិគសិរ ឆ្នាំរកា នព្វស័ក ព.ស.២៥៦១ ត្រូវនឹង ថ្ងៃទី១៥ខែធ្នូឆ្នាំ២០១៧ នៅចំណុចក្នុងផ្សារសេរីភាព ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យខាងលើឈ្មោះ ជាតិ កែវភេទស្រី អាយុ១៧ ឆ្នាំ មុខរបមិនពិតប្រាដក មានលំនៅស្រុកត្រាំកត់ខេត្តតាកែវ។
ជនរងគ្រោះឈ្មោះ ហាក់ ស្រ៊ុន ភេទប្រុសអាយុ៨២ឆ្នាំ ស្នាក់ម្ដុំផ្សារសេរីភាព ស្ថិតក្នុងសង្កាត់ អូឬស្សី៣ ខណ្ឌ៧មករា រាជធានីភ្នំពេញ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានគេបានឃើញស្រ្តីជនសង្ស័យបានដើរចុះឡើងដោយបម្រុងធ្វើសម្មភាពលួចយកការបូបតែត្រូវម្ចាស់ឃើញក៏បានចាប់ភ្លាមៗផងដែលទើបប្រគល់ឲ្យសមត្ថកិច្ចខណ្ឌ៧មករា។
ក្រោយកើតហេតុស្រ្តីជនសង្ស័យត្រូវបាននគរបាលរដ្នបាលប៉ុស្តិ៍វាលវង់យកទៅអធិការដ្ឋាននគរបាលខណ្ឌ៧មករាដើម្បីចាក់ការតាមផ្លូវច្បាប់៕ ស រស្មី
