ខេត្តកណ្តាល ៖ កងរាជអាវុធហត្ថស្រុកកណ្តាលស្ទឹង ដឹកនាំដោយលោក ជុន វណ្នី មេបញ្ជាការកងរាជអាវុធហត្ថស្រុកកណ្តាលស្ទឹង ដោយមានការបញ្ជារដ៍មឺុងម៉ាត់ពីលោកឧត្តមសេនីយ៍ត្រី សំ តុលា មេបញ្ជារការកងរាជអាវុធហត្ថខេត្តកណ្តាល បានធ្វើការឃាត់ ចាប់រថយន្តដឹកអង្ករគេចពន្ធពីវៀតណាមមកលក់នៅភ្នំពេញបានអង្ករជាច្រើនបាវ។
ដោយអនុវត្តន៏តាមភារកិច្ចស្នូលរបស់កងរាជអាវុធហត្ថ បង្ការ បង្ក្រាប និងសង្គ្រោះ ដែលជាយន្តកាដឹកនាំដ៏មានប្រសិទ្ធភាពរបស់ឯកឧត្តមនាយឧត្តមសេនីយ៏ សៅ សុខា អគ្គមេបញ្ជាការរងនៃកងយោធពលខេមរភូមិន្ទ ជាមេបញ្ជាការ កងរាជអាវុធហត្ថលើផ្ទៃប្រទេស និង ឯឧ. ម៉ៅ ភិរុណ អភិបាលខេត្ត ពិសេសត្រូវជួយចូលរួមបង្រ្កាបបទល្មើសគេចពន្ធដើម្បីបង្កើនចំណូលរដ្ឋ។
ហេតុការណ៍ចុះឃាត់ចាប់នេះកាលពីព្រឹក ថ្ងៃសៅរ៍ ១៣រោច ខែមិគសិរ ព.ស ២៥៦១ ត្រូវនឹងថ្ងៃទី១៦ ខែធ្នូ ឆ្នាំ២០១៧ ក្នុងភូមិសាស្រ្តស្រុកតាមដងផ្លូវជាតិលេខ ៣ ចំណុចភូមិកំពង់ទួល ឃុំអន្លង់រមៀត ស្រុកកណ្តាលស្ទឹង ខេត្តកណ្តាល។
បានប្រទះឃើញរថយន្ត ០១គ្រឿង គួរអោយសង្ស័យម៉ាក សាំយ៉ុង ពណ៌ស ពាក់ស្លាកលេខភ្នំពេញ ២AC ៤៨៥៦ បើកបរដោយឈ្មោះ អៀង ភារិទ្ឋ ភេទ ប្រុុស អាយុ ៣៣ ឆ្នាំ មុខរបរ បើកបររថយន្ត រស់នៅភូមិផ្សារ ឃុំភ្នំឌិន ស្រុកគីរីវង្ស ខេត្តតាកែវ ក៏ធ្វើការត្រួតពិនិត្យឃើញថារថយន្តនោះមានដឹកអង្ករនាំចូលពីប្រទេសវៀតណាម (គ្មានច្បាប់អនុញ្ញាតិ) តាមច្រករបៀងព្រំដែនវៀតណាម ក៏នាំទៅសួរនាំនៅ។
ម្ចាស់រថយន្តឈ្មោះ ចាន់រ៉ា ភេទ ប្រុស អាយុ ៤០ ឆ្នាំមុខរបរ កសិករ រស់នៅភូមិភូមិផ្សារ ឃុំភ្នំឌិន ស្រុកគីរីវង្ស ខេត្តតាកែវ ។ម្ចាស់អង្ករ ឈ្មោះ យ៉ាន ភេទ ប្រុស អាយុ ៤៣ ឆ្នាំមុខរបរ កសិករ រស់នៅភូមិផ្សារ ឃុំភ្នំឌិន ស្រុកគីរីវង្ស ខេត្តតាកែវ ។វត្ថុតាងចាប់យក១-រថយន្ត ០១ គ្រឿងម៉ាក សាំយ៉ុង ពណ៌ ស ពាក់ស្លាកលេខ ភ្នំពេញ ២AC ៤៨៥៦។
២-អង្ករ(វៀតណាម) : ចំនួន ៩០ បាវស្មើនឹង ៤,5តោន។
ក្រោយពីសមត្ថកិច្ចសួរនាំអ្នកបើកបររួចមកបានអោយដឹងថា អង្ករដែលខ្លួនបានដឹកតាមរថយន្តខាងលើគឺដឹកពីច្រករបៀងព្រំដែនវៀតណាម ភូមិផ្សារ ឃុំភ្នំឌិន ស្រុកគីរីវង្ស ខេត្តតាកែវ (អង្ករវៀតណាម គ្មានច្បាប់អនុញ្ញាតិ) ដើម្បីយកទៅដាក់អោយម៉ូយនៅផ្សារអូរឬស្សី រាជធានីភ្នំពេញ។
បច្ចុប្បន្ន អ្នកបើកបរ និងវត្ថុតាង ជំនាញអាវុធហត្ថស្រុកកំពុងបន្តតាមនិតិវិធីជាមួយជំនាញ ៕ (ដោយ:ឆ ដា)
