ខេត្តបាត់ដំបង ៖ អំពើបាប ទង្វើកាប់សម្លាប់មនុស្សមិនរង់ចាំទទួលបាបកម្មចុះនរកប្រែតសម្រាប់ជាតិក្រោយទេ បាបកម្មនេះគឺតន់ហន់ណាស់។

ជាក់ស្ដែងសមត្ថកិច្ចចាប់ជនសង្ស័យជាឃាតកកាប់សម្លាប់ស្ត្រីមានផ្ទៃពោះ៨ខែបានហើយ កាលពីថ្ងៃទី ២៨ ខែ ធ្នូ ឆ្នាំ ២០១៧។ ឃាតក ត្រូវជា ប្អូនប្រុសបង្កើត របស់ស្ត្រីរងគ្រោះ ទាក់ទិនករណី ប្លន់យកលុយ ។

ឃាតករដៃឆៅ មានឈ្មោះ ហួន រាហូ អាយុ ១៤ ឆ្នាំ រស់នៅភូមិ សួនស្លា ឃុំខ្នាចរមាស ស្រុកបវេល ខេត្តបាត់ដំបង ក្នុងនោះនគរបាល ស្រាវជ្រាវ ដកហូតបាន ប្រាក់បាតថៃ ចំនួន ២៥.៤៦០ បាត ប្រាក់រៀលខ្មែរ ចំនួន ២៤១.៦០០ រៀល ពូថៅដៃចំនួន ០១ ជាវត្ថុតាងទាក់ទង នឹងអំពើល្មើស ។

ឃាតករដៃឆៅ បានឆ្លើយសារភាពថា ខ្លួនពិតជាបានកាប់សម្លាប់ ជនរងគ្រោះ ឈ្មោះ ហួន រ៉ានី អាយុ ៣០ ឆ្នាំ និងកូនស្រី ឲ្យរងរបួសធ្ងន់ កាលពីថ្ងៃទី ២៨ ខែ ធ្នូ ឆ្នាំ ២០១៧ ពិតប្រាកដមែន ៕