ភ្នំពេញ៖ ជនសង្ស័យ២នាក់រួមជាមួយថ្នាំញៀន២កញ្ចប់តូចត្រូវកម្លាំងនគរបាលព្រហ្មទណ្ឌខណ្ឌចំការមនសហការជាមួយប៉ុស្តិ៍ផ្សារដើមថ្កូវឃាត់ខ្លួនហេតុការណ៍នេះកើតឡើងកាលពីវេលាម៉ោង១និង៣០នាទី ថ្ងៃទី២៧ ខែតុលានៅចំណុចក្រោយqb ផ្លូវលំលេខ៥០៨ ភូមិ៥ ក្រុម៣២ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
សង្ស័យទី១មាន ឈ្មោះ អែម ស្រីស្រស់ ភេទស្រី អាយុ២៧ឆ្នាំ មុខរបរនិងស្នាក់នៅមិនពិតប្រាកដ សង្ស័យទី២មាន ឈ្មោះ ងៀម ភូប ហៅប៊ុន ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះកើតហេតុខាងលើ និងបានដកហូតបាន ម្សៅក្រាមពណ៌សថ្លា ចំនួន២កញ្ចប់តូចនិងឧបករណ៍សម្រាប់ជក់គ្រឿងញៀនមួយចំនួនទៀត ។
បើតាមសម្ដីពីសមត្ថកិច្ចបានប្រាប់ឲ្យដឹងថា មុនពេលកើតហេតុកម្លាំងនគរបាលព្រហ្មទណ្ឌខណ្ឌចំការមនសហការប៉ុស្តិ៍ផ្សារដើមថ្កូវចុះរដ្ឋបាល ក៏មកដល់ចំណុចខាងលើក៏ប្រទះឃើញជនសង្ស័យ២នាក់ដោយមានការសង្ស័យក៏ត្រូវកម្លាំងសមត្ថកិច្ចបានធ្វើការឃាត់ខ្លួនត្រួតពិនិត្យ និងរកឃើញមានថ្នាំញៀនចំនួន២កញ្ចប់ ៕
បច្ចប្បន្នជនសង្ស័យត្រូវបាននគរបាលប៉ុស្តិ៍ផ្សារដើមថ្កូវបញ្ចូនទៅអធិការខណ្ឌចំការមននិងកសាងសំណុំរឿងដើម្បីចាក់ការតាមផ្លូវច្បាប់ ៕
...
ដោយ៖ ស រស្មី
