ភ្នំពេញ ៖ ទីតាំងស្នូកឃ័រមួយកន្លែង ស្ថិតនៅចំណុចជិតផ្ទះសំណាក់ច័ន្ទលាបខាងលិចផ្សារបឹងត្របែក ក្នុងខណ្ឌចំការមន ត្រូវបានគេរាយការណ៍មកថា បានក្លាយទៅជាសំបុកបនល្បែងស៊ីសងយ៉ាងពេញបន្ទុក ដែលមានម្ចាស់ឈ្មោះ «ឆាយ ហួត» ក្នុងនោះក៏មានសមត្ថកិច្ចចូលលេងផងដែរ ដោយក្នុង១ថ្ងៃៗ វង់ អាប៉ោងនៅទីនោះ ចាក់ម្តងរាប់រយ រាប់ពាន់ ឈានដល់ម៉ឺនដុល្លារឯណោះចាញ់ឈ្នះម្តងៗ ។
ប្រជាពលរដ្ឋមូលដ្ឋានបានលើកឡើងថា បើទោះជាអ្នកលេងប្រមូលម្តុំដោយសមត្ថកិច្ចនិង និងមានជីវភាព សម្តែងនូវភាពហ៊ឺហារ ចាត់ទុកជាអ្នកមានទ្រព្យសម្បតិ្តក៏ដោយ ប៉ុន្តែបន ល្បែងស៊ីសងគឺជាអំពើល្មើសច្បាប់ ។ ក្នុងនោះផ្តើមចេញឲ្យមាននូវបទល្មើសក្នុងសង្គម ដូចជាអំពើលួចឆក់ ប្លន់ ជំរិត សម្លាប់ ឆបោក ក្បត់ទំនុកចិត្តក្រុមគ្រួសារ ងាយនឹងវិនាស ហិនហោច ។
បញ្ហានេះ អាជ្ញាធរមូលដ្ឋានចាប់ពីថ្នាក់អាជ្ញាធរ សមត្ថកិច្ចសង្កាត់ ក៏ដូចជា គណៈបញ្ជាការឯកភាពរបស់ខណ្ឌចំការមន គួរមានវិធានការណ៍លុបបំបាត់ ឬចុះរដ្ឋបាល ពិនិត្យជាក់ស្តែង ក្នុងដែនសមត្ថកិច្ចខ្លួនគ្រប់គ្រង ស្របពេលគោលនយោបាយភូមិ-ឃុំមាន សិវត្ថិភាពនៅតែមានសុពលភាព ក៏ដកូចជាគោលនយោបាយនេះ ត្រូវបានសមត្ថកិច្ច និង អាជ្ញាធរសម្រេចចិត្តយ៉ាងពិតប្រាកដលើវេទិកាសាធារណៈគឺលុបបំផុតឲ្យបាននូវល្បែង ស៊ីសង ប្រយោជន៍ដើម្បីធានាការពារនូវសន្តិសុខ សណ្តាប់ធ្នាប់ ជួនប្រជាពលរដ្ឋក្នុងមូល ដ្ឋានរបស់ខ្លូន ។
គេបានរំឭកថា ទីតាំងស្នូកឃ័របង្កប់ល្បែងស៊ីសង វង់អាប៉ោងខាងលើនេះ ត្រឹមសមត្ថកិច្ច អាជ្ញាធរមូលដ្ឋាន ឬនគរបាលអន្តរាគមន៍ នគរបាលព្រហ្មទណ្ឌខណ្ឌក៏មិនហ៊ាននិងប៉ះពាល់ សង្ស័យថា បនល្បែងនេះ អាចនឹងមានអ្នកធំណាមួយនៅពីក្រោយ?
ប្រជាពលរដ្ឋសំណូមពរឲ្យសមត្ថកិច្ច អាជ្ញាធរចាត់វិធានការណ៍ក្នុងរឿងនេះឲ្យមានប្រសិទ្ធ ភាព ដើម្បីផ្តល់សេចក្តីសុខ សុវត្ថិភាព ចំពោះការរស់នៅក្នុងមូលដ្ឋាន ជៀសផុតពីអំពើ ឆក់ ប្លន់ នេះជាដើម…….៕ ជាយក្រុង
