ភ្នំពេញ៖ វាមិនមែនជាលើកទី១នោះទេ ក្នុងករណីបងប្អូនប្រជាពលរដ្ឋដែលនាំកូនចៅទៅលេងសួនកម្សាន្តកោះពេជ្រ ហើយដោយការធ្វេរប្រហែសរបស់ក្រុមម្ចាស់អាជីវកម្មដែលដាក់ឧបករណ៍សម្រាបក្មេងលេង ដូចជា ទោងយោង ទោងវិល តែងតែបង្កគ្រោះថ្នាក់ដល់ក្មេងតូច ជួនកាលរហូតទៅដល់មានអ្នកស្លាប់ផងដែរ ។
ជាកស្តែងកាលពីវេលាម៉ោង៨យប់ថ្ងៃអង្គារ ១៣កើត ឆ្នាំរកា នព្វស័ក ព.ស២៥៦១ ត្រូវនឹង ថ្ងៃទី២៧ខែកុម្ភះឆ្នាំ២០១៨ ស្ថិតនៅក្នុងសួននៃមជ្ឈមណ្ឌលកម្សាន្តកោះពេជ្រ មានករណីដាច់ធ្លាក់ទោងវិល បណ្តាលឲ្យក្មេងស្រីម្នាក់បានរងរបួសធ្ងន់ ។
យោងតាមប្រភពព័ត៍មានពីក្រុមគ្រួសារជនរងគ្រោះ បានឲ្យដឹងថា មុនពេលកើតហេតុពួកគេមានគ្នា៤នាក់ ជាបងប្អូននិងគ្នាបានមកជិះឧបករណ៍វិលនៅកន្លែងខាងលើ លុះជិះមិនបានប៉ុន្មានផងក៏ស្រាប់ ធ្លាក់មកដីតែម្តង បណ្តាលប្អូនស្រីម្នាក់រងរបួសធ្ងន់ ហើយត្រូវបានដឹងយកទៅសង្គ្រោះភ្លាមៗនៅមន្ទីរពេទ្យផងដែរ ។
ប្រភពបានបន្តទៀតថាទីតាំងខាងលើមានម្ចាស់ជាជនជាតិចិន ដែលជាអ្នកគ្រប់គ្រងនៅទីនោះ ។ ហើយទីតាំងខាងលើក៏ធ្លាប់ដាច់ធ្លាក់ម្តងរួចមកហើយ។
ក្រោយកើតហេតុសមត្ថកិច្ចបានចុះមកដល់ ដោយឲ្យភាគីខាងម្ចាស់ទីតាំងនិងជនរងគ្រោះធ្វើការដោះស្រាយគ្នាដោយ ខាងជនរងគ្រោះទាមទារឲ្យចេញថ្លៃព្យាលបាលទាំងស្រុង ៕ស រស្មី
