ភ្នំពេញ: បុរសម្នាក់ងរបួសក្បាលធ្ងន់ ខណៈ ជិះម៉ូតូជ្រុលទៅបុកនិងម៉ូតូកង់៣ពេញទំហឹង ត្រូវបានម៉ូតូកង់បីដឹកទៅមន្ទីរពេទ្យផងដែរ។ ហេតុការណ៍នេះកេីតនៅវេលាម៉ោង១០និង២០នាទីកាលពីព្រឹកថ្ងៃនេះ ថ្ងៃ ពុធ ៥ កើត ខែ ចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី ២១ ខែ មីនា ឆ្នាំ ២០១៨ នៅចំណុច តាមបណ្តោយផ្លូវលេខ៥៧កែង៣២២ ស្ថិតក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ។
ជនរងគ្រោះមានឈ្មោះ តឹក ពន្លឺ ភេទប្រុស អាយុ២៥ឆ្នាំមុខរបរកម្មករសំណង់ស្នាក់នៅការដ្ឋានសង្កាត់បឹងកេងកងទី១ខណ្ឌចំការមន
បើតាមប្រភពពត៌មានពីកន្លែងកេីតហេតុ បានប្រាប់ឲ្យឲ្យដឹងថា នៅមុនពេលកើតហេតុ គេឃើញបុរសម្នាក់ជិះម៉ូតូម៉ាកហុងដាc125មួយគ្រឿង ពណ៍ខ្មៅ ស្លាកលេខ បាត់ដំបង 1A-6038 បានជិះក្នុងទិសដៅពីជើងទៅត្បូងហើយជ្រុលទៅបុកម៉ូតូកង់៣មួយគ្រឿង ពណ៌លឿង អត់ពាក់ស្លាកលេខ បើកបរដោយបុរសម្នាក់ ដែលធ្វើដំណេីរតាមបណ្ដោយផ្លូវលេខ៣២២ក្នុងទិសដៅពីលិចទៅកើត បណ្តាលឲ្យបុរសដែរម្ចាស់ម៉ូតូដួលរងរបួសក្បាលធ្ងន់ ភ្លាមៗនោះត្រូវបានប្រជាពលរដ្ឋហៅរ៉ឺម៉កកង់បីដឹកទៅមន្ទីរពេទ្យភ្លាមៗផងដែរ។
ដោយរស្មី
