ខេត្តកំពង់ចាម ៖ ផ្ទះទំហំ៥ម៉ែត្រគុណ១២ម៉ែត្រ ធ្វើអំពីឈើ ប្រក់ស័ង្គសី ជញ្ជាំងស័ង្គសី ត្រូវបានអគ្គិភ័យឆាបឆេះអស់ទាំងស្រុង កាលពីព្រឹកថ្ងៃទី២៣ ខែមេសា ឆ្នាំ២០១៨ វេលាម៉ោង១០ និង​១០នាទី ។

ម្ចាស់ផ្ទះឈ្មោះម្ចាស់ឈ្មោះ ចយ ហ៊ន់ ភេទប្រុស អាយុ៦៣ឆ្នាំ រស់នៅចំណុចភូមិប្រាសាទ ឃុំវិហារធំ ស្រុកកំពង់សៀម ខេត្តកំពង់ចាម។

ក្រោយទទួលព័ត៌មានភ្លាម ថាមានអគ្គីភ័យឆេះផ្ទះប្រជាពល លោកឧត្តមសេនីយ៍ទោ ឯម កុសល ស្នងការនគរបាលខេត្ត បានចាត់បញ្ជាមកជំនាញរថយន្តនគរបាលពន្លត់អគ្គិភ័យ បានចេញរថយន្តចំនួន៣គ្រឿង (ខេត្ត០២គ្រឿង ស្រុក០១គ្រឿង) ចេញជួយអន្តរាគមន៍ទាន់ពេលធ្វើឲ្យភ្លើងបានរលត់មិនឆេះរាលដាលបន្តដល់ផ្ទះអ្នកក្បែរខាង ដោយប្រើប្រាស់ទឹកអស់ចំនួន០៤ រថយន្ត។

លោកបន្តថា មូលហេតុផ្តើមអោយកើតមានអគ្គិភ័យនេះឡើង គឺដោយមានក្មេងៗលេងភ្លើងនៅក្រោមផ្ទះ ខណៈម្ចាស់មិនបាននៅផ្ទះ ៕ វណ្ណៈ