ក្រុងប៉ោយប៉ែត៖ ប្រជាពលរដ្ឋ ប្រមាណ៧០នាក់បានមកប្រមូលផ្ដុំនៅ មុខសាលាក្រុមប៉ោយប៉ែតខេត្ដបន្ទាយ មានជ័យនៅព្រឹកថ្ងៃទី១០ ខែវិច្ឆិកា ឆ្នាំ ២០១៥ ដើម្បីរកអន្ដាគមន៍ពីអាជ្ញាធរ មានសមត្ថកិច្ចជួយរកដំណោះស្រាយ ទៅលើក្រុមហ៊ុនអានកូ ដែលបានកាត់ ផ្ដាច់ចរន្ដអគ្គិសនីនិងជីកដីទប់មាត់ទ្វារ ទឹកធ្វើឱ្យស្រូវប្រាំងរបស់ពួកគាត់ជួប ហានិភ័យខ្វះទឹកនិងពលរដ្ឋប្រឈមការ រស់នៅលើដីត្រូវគេជម្លៀសចេញ។
ក្រុមអ្នកតវ៉ាមកពីភូមិសាមគ្គីមាន ជ័យសង្កាត់ក្រុងប៉ោយប៉ែត ខេត្ដបន្ទាយ មានជ័យបានប្រាប់ឱ្យដឹងថា ការដែល ពួកគាត់មកប្រមូលផ្ដុំគ្នានៅមុខសាលា ក្រុងប៉ោយប៉ែតនេះគឺចង់ឱ្យអាជ្ញាធរជួយ អន្ដរាគមន៍រឿងសន្ដិសុខក្រុមហ៊ុនអានកូ ផ្ដាច់ចរន្ដអគ្គិសនីលែងឱ្យប្រើប្រាស់ជា ច្រើនថ្ងៃមកហើយ។ តំណាងពលរដ្ឋរូប នេះបានបន្ដថា រឿងជម្លោះរវាងសន្ដិសុខ អានកូ ឈ្មោះ ប្រុស និងមួួយគ្រួសារ ដែលសង់ផ្ទះបាយនោះមិនគួរសន្ដិសុខ រូបនេះកាត់ផ្ដាច់ចរន្ដអគ្គិសនីឈប់ឱ្យ ពលរដ្ឋច្រើនគ្រួសារបានប្រើប្រាស់នោះ ទេ។ ដូច្នេះអាជ្ញាធរមានសមត្ថកិច្ច ពិសេសតំណាងក្រុមហ៊ុនអានកូ ដែល ទទួលបានសិទ្ធចែកចាយភ្លើងពិនិត្យនិង ផ្ដល់ភ្ជាប់ចរន្ដអគ្គិសនីឱ្យពួកបានប្រើ ប្រាស់ឡើងវិញផង។
បើតាមលោក សំបុត្រ តំណាងឱ្យ ពលរដ្ឋអ្នកតវ៉ាមកពីភូមិសាមគ្គីមាន ជ័យនេះបញ្ជាក់ថា ពួកគាត់មានចំនួន ១៥នាក់តំណាងឱ្យ១៥គ្រួសារត្រូវបាន សន្ដិសុខកាស៊ីណូក្រុមហ៊ុនអានកូ ឈ្មោះ ប្រុស កាត់ផ្ដាច់ភ្លើងឈប់ឱ្យប្រើអស់ រយៈពេលជាង១០ថ្ងៃមកហើយ។ ការ ផ្ដាច់ភ្លើងពីសន្ដិសុខខាងលើនេះព្រោះតែ សន្ដិសុខរូបនេះបានប៉ះទង្កិចពាក្យសម្ដី ជាមួយនឹងគ្រួសារមួយដែលត្រូវសន្ដិ សុខរូបនេះចោទថាបានសង់ផ្ទះបាយ រំលោភចូលដីរបស់ក្រុមហ៊ុន។
ចំណែកប្រជាពលរដ្ឋមួយក្រុមមកពីភូមិកូនដំរី សង្កាត់-ក្រុងប៉ោយប៉ែត ខេត្ដបន្ទាយមានជ័យ បានប្រាប់ឱ្យដឹងថា ក្រុមហ៊ុនអានកូ បានចាក់ដីបិទទ្វារទឹក ធ្វើឱ្យស្រូវប្រាំងរបស់ពួកគាត់ចំនួន ២៥០ហិតាដែលមាន៥០គ្រួសារនោះ ប្រឈមនឹង ស្វិត ក្រៀម ងាប់ ដោយ សារតែក្រុមហ៊ុនទប់ទឹកយកទឹកទៅផលិតទឹកបរិសុទ្ធជាប្រយោជន៍ផ្ទាល់ខ្លួន។
រីឯប្រជាពលរដ្ឋមួយក្រុមទៀតមកពី ភូមិ-សង្កាត់ផ្សារកណ្ដាល ក្រុងប៉ោយ ប៉ែត ខេត្ដបន្ទាយមានជ័យ ដែរនោះបាន ប្រាប់ឱ្យដឹងថា ការដែលពួកគាត់មកត វ៉ានៅមុខសាលាក្រុងប៉ោយប៉ែតនេះ ព្រោះតែមានគេចង់បណ្ដេញពួកគាត់ ចេញឈប់ឱ្យរស់នៅលើដីក្បែរផ្លូវរថ យន្ដភ្លើងដែលមានប្រជាពលរដ្ឋប្រមាណ៥០គ្រួសារ។
លោក ចន្ធា តំណាងឱ្យប្រជាពលរដ្ឋ ក្នុងភូមិ-សង្កាត់ផ្សារកណ្ដាលបានបញ្ជាក់ ថា ការដែលពួកគាត់មកតវ៉ាមិនចង់គេ បណ្ដេញចេញនេះបានធ្វើឡើងចំនួន៩ លើករួចមកហើយ តែពុំមានដំណោះ ស្រាយនោះទេ។
គួរបញ្ជាក់ថា នៅក្នុងការតវ៉ារបស់ ប្រជាពលរដ្ឋទាំង៣ភូមិខាងលើនេះ គឺប្រជាពលរដ្ឋមកពី២ភូមិមិនត្រូវបាន អាជ្ញាធរទទួលយកទៅដោះស្រាយនោះ ទេ។ ដោយឡែកសម្រាប់ប្រជាពលរដ្ឋ មកពីភូមិកូនដំរី ត្រូវបានមន្ដ្រីក្រុម ប្រឹក្សាក្រុងប៉ោយប៉ែតសន្យាយកសំណើរ របស់បងប្អូនប្រជាពលរដ្ឋទៅជំរាប លោកអភិបាលក្រុងដើម្បីប្រជៀសការ ខូចខាតស្រូវប្រាំងដែលកំពុងប្រឈមខ្វះ ទឹកដោយសារក្រុមហ៊ុនអានកូ ទប់បិទ ទ្វារទឹកខាងលើនេះ ៕
ដោយ៖ វណ្ណា
