ខេត្ដកណ្ដាល៖ មានរឿងហេតុដ៏រន្ធត់ មួយបានកើតឡើងនៅចំណុចឡឥដ្ឋ លោក ហ៊ាង សុខ ខេង ដែលមានទីតាំង ស្ថិតនៅភូមិក្រោម ឃុំព្រែកអញ្ចាញ ស្រុកមុខកំពូល ខេត្ដកណ្ដាលដោយកម្ម ករម្នាក់ ឈ្មោះ សុខ បូរ៉ា ភេទប្រុស អាយុ៥៤ឆ្នាំ មានស្រុកកំណើត នៅឃុំ ខាន់ខាវ ស្រុកដូនកែវ ខេត្ដតាកែវ បាន មកធ្វើជាកម្មករឡឥដ្ឋ នៅចំណុចកើត ហេតុខាងលើដេកមមើលទាញកាំបិត កាប់ទៅលើឈ្មោះ សឿង សឿន ភេទ ប្រុស អាយុ៥២ឆ្នាំ នៅភូមិស្រុកជាមួយ គ្នាឱ្យរបួសធ្ងន់ ។
ជនដេកមមើលបាន ប្រាប់សមត្ថកិច្ចថា រូបគាត់មិនមាន ចេតនាឬបំណងចង់កាប់ជនរងគ្រោះនោះទេតែដោយសាមុនកើតហេតុគាត់យល់សព្វ(មមើរ) ទើបរូបគាត់ទាញកាំបិទពី ក្បាលដំណេកចេញដើទៅខាងក្រៅ ហើយកាប់ជនរងគ្រោះពីកាំបិទយ៉ាង តំណំ។ បន្ទាប់ពីកាប់រួចជនរងគ្រោះ ស្រែកអូយទើបដឹងថា ខ្លួនយល់សព្វកាប់ ទាហ៊ានដែលមករករឿងខ្លួន។ ជនសង្ស័យ បានបន្ដថាជនរងគ្រោះដែលត្រូវខ្លួនកាប់មិនមែនអ្នកនៅឆ្ងាយនោះទេគឺត្រូវជា បងប្អូនជីដូនមួយនិងគ្នានិងផ្ទះជិតគ្នា ទៀតផង ។
ជនរងគ្រោះដែលកំពុងសម្រាកព្យា បាលនៅពេទ្យឯកជនបានប្រាប់អ្នកយក ពត៌មាននគរវត្ដថា រូបគាត់និងជន សង្ស័យពិតជាបងប្អូននៅភូមិស្រុកជា មួយគ្នាពិតមែនហើយរូបគាត់ក៏ពុំដែលមានជម្លោះស្អីនិងគ្នាដែរស្រាប់តែនៅ យប់កើតហេតុជនសង្ស័យមកកាប់ខ្លួន ដែលកំពង់ដេកលង់លក់២កាំបិទយ៉ាង តំណំតែម្ដង ។
ជុំវិញករណីកាប់ប្រហានេះសមត្ថ កិច្ចបានសន្និដ្ឋានថាជនសង្ស័យមានសតិមិនគ្រប់។ បច្ចប្បន្នជនសង្ស័យត្រូវបានឃាត់ ខ្លួនសាងសំណុំរឿងបញ្ជូនទៅតុលាការ ចាត់ការតាមនីតិវិធីក្នុងបទបង្ករបួស ដល់អ្នកដទៃ ៕
ដោយ៖ ឡូ សំអាត
