ភ្នំពេញៈ នៅព្រឹកថ្ងៃអង្គារ ១៥កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែឧសភា ឆ្នាំ២០១៨ គណៈកម្មាធិការជាតិរៀបចំការបោះឆ្នោត (គ.ជ.ប) បានចាប់ឆ្នោតកំណត់លេខរៀងគណបក្សនយោបាយនៅលើសន្លឹកឆ្នោត ក្រោមអធិបតីភាពសម្តេចព្រះសង្ឃរាជ្យទាំងពីរគណៈ។
ពិធីនេះប្រព្រឹត្តិឡើងនៅសាលប្រជុំអគារ S ក្រសួងមហាផ្ទៃ ដោយមានការចូលរួមពីតំណាងគណបក្សនយោបាយទាំង២០ និងអង្គការជាតិ និងអន្តរជាតិផងដែរ។
សូមបញ្ជាក់ថា គ.ជ.ប បានទទួលស្គាល់ជាផ្លូវការគណបក្សនយោបាយ២០ដែលបានចុះបញ្ជីដើម្បីចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រ នីតិកាលទី៦ ប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ ៕
...
