ពិភពលោកទាំងមូលកំពុងតែតក់ស្លុត នៅឡើយហើយបានគោរពដល់វិញ្ញាណ ក្ខន្ធអ្នកដែលបាត់បង់ជីវិត១៣២នាក់ និង បន់ស្រន់ឱ្យអ្នករងរបួសជាង៤០០នាក់ក្នុងការវាយប្រហារកាលពីយប់ថ្ងៃសុក្រនៅ ទីក្រុងបារីសបានឆាប់ជាសះស្បើយ ។ ការប្រឆាំងភេរវកម្មមិនអាចយកឈ្នះ ដោយគ្រាន់តែប្រើប្រាស់គ្រាប់រំសេវនោះ ទេ ប៉ុន្ដែត្រូវតែមានយុទ្ធសាស្ដ្រទប់ស្កាត់ ដោយធម៌ត្រជាក់ ។
នៅតាមទីក្រុងធំៗលើពិភពលោក ពិធីបួងសួងបានធ្វើឡើងដើម្បីចែករំលែក ដល់ជនរងគ្រោះនៅក្នុងប្រទេសបារាំង ។ បណ្ដាមេដឹកនាំបានបង្ហាញនូវសាមគ្គីភាព ជាមួយពលរដ្ឋបារាំងក្នុងពេលដែលកំពុងជួបផលលំបាក ។ ជាមួយគ្នានោះប្រធា នាធិបតីបារាំងបានចេញបញ្ជាឱ្យយន្ដ ហោះចម្បាំងរាប់សិបគ្រឿងបើកការវាយ ប្រហារទៅលើទីតាំងរបស់ក្រុមអ៊ិជស្លាមបង្កើតរដ្ឋជាការសងសឹកដល់អ្វីដែលបាន កើតឡើងនៅក្នុងទីក្រុងប៉ារីស ។ ការវាយ ប្រហារនោះមានទ្រង់ទ្រាយធំបំផុតមិន ធ្លាប់មានរបស់បារាំងពីមុនមក ។ តើ ការវាយប្រហារទាំងនោះអាចរារាំងបានសកម្មភាពវាយប្រហារភេរវកម្មរបស់ ក្រុមភេវករដែរឬទេ ?
ការប្រើគ្រាប់រំសេវវាយប្រហារទៅ លើក្រុមភេរវកររយៈពេល១៤ឆ្នាំមក ហើយចាប់តាំងពីថ្ងៃទី១១ ខែកញ្ញា ឆ្នាំ ២០០១ ពេលនោះប្រធានាធិបតីអាមេរិក លោក ប៊ូស បានបើកការវាយប្រហារទៅ លើក្រុមអាល់កៃដាដោយចាត់ទុកថា សកម្មភាពរបស់ក្រុមអាល់កៃដាគឺជាសកម្មភាពបង្កឱ្យមានសង្គ្រាម ហើយត្រូវ តែមានសង្គ្រាមវាយប្រហារភេរវកម្ម នៅទូទាំងពិភពលោកដើម្បីសងសឹកដល់ការវាយប្រហាររបស់ក្រុមអាល់កៃដាទៅ លើមជ្ឈមណ្ឌលពាណិជ្ជកម្មពិភពលោក។
ការវាយប្រហាររបស់លោក ប៊ូស កាលពី១៤ឆ្នាំមុន និងការវាយប្រហារ របស់ប្រធានាធិបតីបារាំង ហ្វ្រង់ស័រ ហូលឡង់ នៅឆ្នាំ២០១៥ ក្រោយការវាយ ប្រហារភេរវកម្មក្នុងទីក្រុងប៉ារីសទៅលើក្រុមភេរវកម្មមានភាពដូចគ្នា ដោយ ការវាយប្រហារសងសឹកមិនចាំបាច់ទទួល ការអនុញ្ញាតពីស្ថាប័នណាមួយនោះឡើយ។ លោក ហូលឡង់ ចាត់ទុកថា ការវាយ ប្រហារទៅលើទីក្រុងប៉ារីសជាសកម្មភាព សង្គ្រាមដូចអ្វីដែលលោក ប៊ូស បាន ប្រកាសថា ការវាយប្រហារទៅលើ WTC ជាសកម្មភាពសង្គ្រាមដូចគ្នា ហើយ ការវាយប្រហារសងសឹងនោះគឺមិនអាណិតអាសូរឡើយ ។ ក្នុងរយៈពេលខ្លីបារាំង បានវាយប្រហារទម្លាក់គ្រាប់ជាង២០ គ្រាប់ទៅលើគោលដៅសំខាន់ៗរបស់ក្រុមអ៊ិរស្លាមបង្កើតរដ្ឋ ។
ការវាយប្រហារទៅលើក្រុមភេរវ កម្មរបស់លោក ប៊ូស កាលពី១៤ឆ្នាំមុន ទទួលបានជោគជ័យដោយផ្ដួលរំលំរដ្ឋាភិបាល២ប្រទេសដែលប្រឆាំងនឹងជាសត្រូវ របស់អាមេរិកនោះគឺរដ្ឋាភិបាលតាលីបង់ និង អ៊ីរ៉ាក់ ។
ចំពោះស៊ីរីវិញ បើទោះបីឆាប់ពេក សម្រាប់បញ្ជាក់ថា ប្រធានាធិបតី ហូល ឡង់ អាចនឹងផ្លាស់ប្ដូរទស្សនៈរបស់បារាំង នៅក្នុងប្រទេសស៊ីរី ហើយបារាំងត្រូវ តែដើរតួនាទីសំខាន់នៅក្នុងការកម្ចាត់ ក្រុមភេរវកម្មនៅក្នុងប្រទេសស៊ីរី ។ ទាំងនោះហើយបារាំងត្រូវតែស្វែងរក ដំណោះស្រាយនយោបាយនៅក្នុងប្រទេស ស៊ីរី ហើយប្រធានាធិបតីស៊ីរីត្រូវតែ ចាកចេញពីតំណែង ។
ប្រធានាធិបតីបារាំងនៅតែប្រកាន់យកទស្សនៈ“ប្រធានាធិបតីអាល់អាសាដ និងក្រុមអ៊ិីស្លាមបង្កើតរដ្ឋអាក្រក់ដូច តែគ្នា” ដូច្នេះត្រូវកម្ចាត់ទាំង២ ។ កាល ពីឆ្នាំ២០១៤ រដ្ឋមន្ដ្រីក្រសួងការបរទេស បារាំងបានបញ្ជាក់ថា រដ្ឋាភិបាលរបស់ លោក អាល់អាសាដ ត្រូវតែកម្ចាត់ ។ ប៉ុន្ដែចាប់តាំងពីការជ្រៀតជ្រែករបស់ រុស្ស៊ីមកធ្វើឱ្យគម្រោងផ្ដួលរំលំរដ្ឋាភិបាល ស៊ីរីរបស់បារាំង និងអាមេរិកត្រូវបាត់បង់ ។
នៅពេលនេះការវាយប្រហារភេរវកម្ម នៅក្នុងប្រទេសបារាំងគឺជាឧកាសដ៏ល្អ បំផុតសម្រាប់បារាំងបង្ហាញវត្ដមាននៅក្នុងប្រទេសស៊ីរីដើម្បីកម្ចាត់ទាំងក្រុម អ៊ិស្លាមបង្កើតរដ្ឋ និងរដ្ឋាភិបាលស៊ីរី ដូចអ្វីដែលលោកខាងលិចបានគ្រោងទុកកាលពីពេលដំបូង ។
សកម្មភាពវាយប្រហាររបស់បារាំងនាពេលនេះគ្មានប្រទេសណាមួយអាច រារាំងឬជំទាស់បានឡើយ ដោយសារ បារាំងជាប្រទេសដែលត្រូវខាតបង់អាយុ ជីវិតមនុស្សជាច្រើនដោយសារតែការ វាយប្រហារភេរវកម្ម ដូច្នេះបារាំងមាន សិទ្ធិវាយប្រហារនៅគ្រប់ទិសទីក្នុងប្រទេស ស៊ីរី ហើយរុស្ស៊ីក៏មិនអាចជំទាស់បាន ដែរ ។
ការវាយប្រហាររបស់អាមេរិកកាលពី១៤ឆ្នាំមុនក៏ដូចគ្នានោះដែរ គ្មាន ប្រទេសណាមួយអាចជំទាស់បានឡើយ សូម្បីតែមហាអំណាចយោធារុស្ស៊ីក៏មិនហ៊ានប្រឆាំងដែរ ដោយគ្រាន់តែបោះ ឆ្នោតអនុបវាទនៅក្នុងអង្គការសហប្រជា ជាតិក្រោយអាមេរិកបានវាយប្រហារ ។ សកម្មភាពកាលពី១៤ឆ្នាំមុនរបស់អាមេ រិកបានកើតឡើងនៅក្នុងប្រទេសបារាំង ហើយពេលនេះប្រធានាធិបតីបារាំងក៏ មានសកម្មភាពដូចគ្នានឹងអាមេរិកដែរ។
បារាំងពេលនេះបានដណ្ដើមទីលាន របស់រុស្ស៊ីនៅក្នុងប្រទេសស៊ីរីស្ទើរតែ អស់ទៅហើយ ។ នៅពេលដ៏ខ្លីខាងមុខរុស្ស៊ី នឹងមិនមានការងារធ្វើទៀតឡើយនៅក្នុង ប្រទេសស៊ីរីទីបំផុតរុស្ស៊ីក៏ត្រូវដកចេញ ដោយខ្លួនឯង ទុកឱ្យបារាំង និងសម្ពន្ធមិត្ដ ជាអ្នកសម្រេច ដោយបារាំងជាអ្នកខាតបង់ មានសិទ្ធិក្នុងការវាយប្រហារសងសឹក ។
បន្ទាប់ពីបារាំង អាមេរិកក៏បានបង្កើត សកម្មភាពនៅក្នុងប្រទេសស៊ីរីដែរ ដើម្បី រុញរុស្ស៊ីឱ្យខ្ទាតទៅមួយចំហៀង ក្រោយ ពេលប្រធានភ្នាក់ងារស៊ើបការណ៍សម្ងាត់ អាមេរិក CIA បានអះអាងថា ក្រុមអង្គ ការរដ្ឋអ៊ិេស្លាមទំនងជារៀបចំផែនការ វាយប្រហារភេរវកម្មផ្សេងទៀតស្រដៀងនឹងការវាយប្រហារនៅក្រុងប៉ារីសកាលពីថ្ងៃសុក្រទី១៣ ខែវិច្ឆិកា ។ ទន្ទឹមពេល គ្នានេះគេឃើញមានវីដេអូមួយដែលពួក អង្គការរដ្ឋអ៊ិសស្លាមគំរាមវាយប្រហារ អាមេរិកដល់ទីក្រុងវ៉ាស៊ីនតោន ។ “ការវាយប្រហារភេរវកម្មនៅប៉ារីស ពិតជាមិនមែនភេរវកម្មទោលទេ!” នេះ ជាប្រសាសន៍របស់លោក Jonh Brennan ប្រមុខភ្នាក់ងារចារកិច្ចអាមេរិកទៅកាន់ក្រុមការងារមួយក្ដាប់តូចនៅវ៉ាស៊ីនតោន ដោយបានបញ្ជាក់បន្ថែមថា ពួកអង្គការ រដ្ឋអ៊ិមស្លាមមិនស្ងប់ចិត្ដនឹងសកម្មភាព វាយប្រហារយង់ឃ្នងកាប់សម្លាប់មនុស្ស នៅក្នុងប្រទេសអ៊ីរ៉ាក់ និងស៊ីរី ឬពង្រីក មនោគមន៍វិជ្ជាសាបព្រោះអំពើហិង្សា នៅតំបន់បូព៌ា អាស៊ីអាគ្នេយ៍ និងអាហ្វ្រិក ទេ តែបាននិងកំពុងរៀបចំប្រតិបត្ដិការ នៅក្រៅតំបន់ដែនអំណាចទាំងនេះតាម រយៈការវាយប្រហារភេរវកម្មធ្វើឱ្យស្លាប់ជីវិតឱ្យបានកាន់តែច្រើន ។
បើតាមប្រមុខចារកិច្ចអាមេរិកភ្នាក់ ងារសន្ដិសុខ និងចារកិច្ចអាមេរិក នៅ ពេលនេះកំពុងធ្វើការយ៉ាងមមាញឹក និង ពិចារណាលើគ្រប់ចំណុចដើម្បីប្រមើល មើលថា តើពួកអង្គការរដ្ឋអ៊ិ៉ស្លាមអាច មានសមត្ថភាពរៀបចំផែនការភេរវ កម្មលេចចេញតាមណាខ្លះ? អាមេរិកក៏ កំពុងសហការយ៉ាងជិតស្និទ្ធជាមួយសមភាគីបារាំង និងរុស្ស៊ីដើម្បីប្រយុទ្ធប្រឆាំង នឹងសកម្មភាពភេរវនិយមនេះដែរ ៕
ប្រែសម្រួល៖ ម៉ែវ សាធី
