ភ្នំពេញ៖  បុរសម្នាក់បានបើករថយន្តតាកូម៉ាបត់ស្តាំមិនប្រយ័ត្នក៏បានទៅគៀររថយន្តហាយប្រ៊ីមួយគ្រឿងទៀតរងការខូចខាតពីចំហៀង ។

កាលពីវេលាម៉ោង៨ និង៥០នាទីយប់ថ្ងៃទី២៦ ខែវិច្ឆិកា ឆ្នាំ២០១៥ មុខសាកលវិទ្យាល័យវេសស្ទើន តាមបណ្តោយផ្លូវព្រះសីហនុ កែងនឹងផ្លូវព្រះសុធារស ស្ថិតក្នុងសង្កាត់ទន្លេបាសាក់ ខណ្ឌចំការមន ។

សាក្សីកន្លែងកើតហេតុបានអោយដឹងថា មុនកើតហេតុគេបានឃើញរថយន្តតាកូម៉ា 2AE-1773 ពណ៍ទឹកប្រាក់ ពាក់ស្លាកលេខ ភ្នំពេញ បើកបរតាមបណ្តោយផ្លូវព្រះសីហនុ ពីលិចទៅកើតពេលមកដល់ចំណុចកែងនឹងផ្លូវព្រះសុធារស បានបត់ស្តាំក៏ជ្រុលទៅគៀររថយន្ដហាយប្រ៊ីដ ពណ៍ស ពាក់ស្លាកលេខ ភ្នំពេញ 2AE-4525 បណ្តាលអោយរងការខូចខាតចំហៀងខាងមុខ ។

ក្រោយមកសមត្ថកិច្ចបានមកដល់កន្លែងកើតហេតុប៉ុន្តែអ្នកបើករថយន្តទាំង២ប្រកែកយ៉ាងតឹងសរសៃកអស់រយៈពេលជាច្រើនម៉ោង តែត្រូវសមត្ថកិច្ចសម្របសម្រួលទើបយករថយន្តទៅជួសជុលរៀងៗខ្លួន ៕

ដោយ៖ ភារ៉ា ដង្កោ