ខេត្តព្រះសីហនុ ៖ នៅរសៀល ២៤ ខែតុលា ឆ្នាំ២០១៨ រដ្ឋបាលក្រុងព្រះសីហនុ ដឹកនាំដោយលោកអៀម សារិន អភិបាលរងក្រុង ព្រះសីហនុ សហការជាមួយមន្ទីរជំនាញ ចុះវាយកម្ទេចសំណង់ផែថ្មជាបស់លោក តាន់សុខុម ដែលសាងសង់ជាប់សមុទ្រ ដែលស្ថិតនៅភូមិ៣ សង្កាត់១ ក្រុង-ខេត្តព្រះសីហនុ តាមខ្លឹមសារលិខិតលេខ ៥៩៨/១៨ ចុះថ្ងៃ១៧ ខែតុលា ឆ្នាំ២០១៨ ។

សូមជម្រាបថា ៖ កន្លងរដ្ឋបាលក្រុង និងរដ្ឋបាលខេត្ត ព្រមទាំងមន្ទីរជំនាញ បានចុះធ្វើកំណត់ហេតុផ្អាកការសាង​សង់នេះជាច្រើនដង ប៉ុន្តែម្ចាស់សំណង់នៅតែបន្តការសាងសង់ ទើបរដ្ឋបាលខេត្ត ចេញលិខិតលេខ ៥៤២/១៨ សជណ ចុះថ្ងៃ១៩ ខែកញ្ញា ឆ្នាំ២០១៨ ឲ្យម្ចាស់រុះរើដោយខ្លួនឯង ដោយទុកពេល ៧ថ្ងៃ ប៉ុន្តែម្ចាស់មិនព្រមរុះរើឡើយ ទើបលោកអភិបាលខេត្តចេញបញ្ជារឲ្យកំទេចចោល បើតាមសម្តីមន្រ្តីសាក្រុង បានប្រាប់ឲ្យដឹងថា ការចុះអនុវត្តន៍មិនបានសម្រេចទេ ដោយហេតុថា ផ្លូវចូលតូចចង្អៀត មិនអាច យក អាអេកចូលទៅបាន ដោយសារ​ទើសផ្ទះរបស់លោកតាន់ សុខុម ទើបសម្រេចទុកពេលឲ្យរយះពេល៥ថ្ងៃទៀត ក្នុងរយះពេលនិងបើមិនរុះរើចេញទេ លោកអុី សុខឡេង ជាអភិបាលក្រុង និងដាក់ពាក្យទៅតុលាការសម្រេចវិញម្តង ថ្ងៃក្រោយបើមានផលប៉ះពាល់អ្វី លោកមិនទទួលខុសត្រូវឡើយ ៕ ឆ្លាម សមុទ្រ