ភ្នំពេញ៖ រូបមន្ដដាក់ពិន្ទុជំនួប ប្រកួតរវាងក្រុមបឹងកេតអង្គរអេហ្វ ស៊ីនឹងក្រុមយ៉ាំងហ្គូនយូណាយធីតអេហ្វស៊ីនាល្ងាចថ្ងៃទី២៩ ខែវិច្ឆិកា ឆ្នាំ២០១៥ ត្រូវបានគណៈកម្មការបង្ហាញនូវចំពោះ មុខក្រុមអ្នកសារព័ត៌មានក្នុងសន្និសីទ ស្ដីពីការប្រកួតជើងឯកតូយ៉ូតាមេគង្គ ក្លិប២០១៥នៅសណ្ឋាគារភ្នំពេញកាលពីព្រឹកថ្ងៃទី២៨ ខែវិច្ឆិកា ឆ្នាំ២០១៥ ។
នៅក្នុងរូបមន្ដខាងលើត្រូវបានគណៈ កម្មការរៀបចំដាក់ពិន្ទុបង្ហាញឱ្យដឹងថា ប្រសិនបើក្រុមទាំង២លេខស្មើគ្នាក្នុង លទ្ធផល ០-០ តម្រូវឱ្យក្រុមបឹងកេត ឡើងទៅជួបក្រុម Becamex Binh Duong FC របស់វៀតណាមនៅពាក់ កណ្ដាលផ្ដាច់ព្រ័ត្រ ។ ប៉ុន្ដែបើលទ្ធផល ចាប់ពី១ស្មើឬក៏៣ស្មើប៉ុន្មានស្មើក៏ដោយ ក្រុមដែលឡើងទៅលេងវគ្គបន្ដជាមួយ ក្រុម Becamex Binh Duong FC គឺ ក្រុមយ៉ាំងហ្គូនយូណាយធីតអេហ្វស៊ី របស់មីយ៉ាន់ម៉ា ។
នៅក្នុងសន្និសីទសារព័ត៌មានខាងលើ គ្រូបង្វឹករបស់ក្លិបទាំង២ហាក់មិនទាន់ ហ៊ានអះអាងថាត្រូវតែយកឈ្នះលើគូ ប្រកួតឱ្យបានរៀងៗខ្លួននោះទេ ដោយពួក គេមានការស្ទាក់ស្ទើរមិនហ៊ានបញ្ចេញ លទ្ធផលមុនការប្រកួតនោះឡើយ ។
ឆ្លើយតបជាមួយនឹងសំណួររបស់ ក្រុមអ្នកសារព័ត៌មានលោក ប្រាក់ សុវណ្ណារ៉ា គ្រូបង្វឹករបស់ក្លិបបឹងកេត អង្គរបានឱ្យដឹងថា ទោះបីយ៉ាងណាក៏ ដោយនៅល្ងាចថ្ងៃទី ២៩ ខែវិច្ឆិកានេះ ខ្ញុំសន្យាមិនធ្វើឱ្យអ្នកគាំទ្រអស់សង្ឃឹម ឡើយ ។
លោកបានបន្ដទៀតថា “រវាងក្រុម មីយ៉ាន់ម៉ា, ក្រុមឡាវ និងក្រុមកម្ពុជា ខ្ញុំ គិតថា មិនមានគម្លាតឆ្ងាយពីគ្នាប៉ុន្មាន នោះទេ ។ ជាក់ស្ដែងការប្រកួតនៅក្នុង ព្រឹត្ដិការណ៍តូយ៉ូតាមេគង្គក្លិបលើកទី២ ឆ្នាំ២០១៥នេះ ពុំបានជួបផលលំបាកខ្លាំង នោះទេ ។ ខ្ញុំគិតថា រវាងក្រុមមីយ៉ាន់ម៉ា និងក្រុមឡាវមិនខុសគ្នានោះទេ ខណៈ ដែលក្រុមបឹងកេតអង្គរក៏បានយកឈ្នះ ក្រុមឡាវក្នុងលទ្ធផល ២-០ រួចទៅ ហើយ” ។
ដោយឡែក Utin Maung Tan គ្រូ បង្វឹករបស់ក្រុមយ៉ាំងហ្គូនយូណាយធីត អេហ្វស៊ីរបស់មីយ៉ាន់ម៉ាបានបង្ហើបឱ្យ ដឹងថា ជំនួបរវាងមីយ៉ាន់ម៉ានឹងកម្ពុជា នៅថ្ងៃទី២៩ ខែវិច្ឆិកានេះ ខ្ញុំនឹងដាក់ កីឡាករបរទេស២នាក់ក្នុងចំណោម ១១នាក់ ។ គ្រូបង្វឹករូបនេះបានបន្ដថា “មូលហេតុដែលខ្ញុំត្រូវដាក់កីឡាករ បរទេសច្រើនជាង ព្រោះកាលពីប្រកួត ឈ្នះក្រុមឡាវក្នុងលទ្ធផល ៥-២ ខ្ញុំដាក់ កីឡាករបរទេសតែម្នាក់ប៉ុណ្ណោះ ។ ប៉ុន្ដែបើប្រៀបធៀបរវាងក្រុមបឹងកេត អង្គរនឹងក្រុមឡាវហាក់មានកម្រិត ខុសគ្នាបន្ដិចបន្ដួច ពីព្រោះកាលដែលខ្ញុំ មកកម្ពុជាលើកដំបូងពួកគេសុទ្ធតែនៅ ក្មេងៗ ប៉ុន្ដែឆ្លងកាត់ប៉ុន្មានឆ្នាំកន្លង ផុតទៅពួកគេបានក្លាយទៅជាកីឡាករ ពោរពេញដោយសមត្ថភាពនិងបទ ពិសោធន៍បច្ចេកទេស” ។
គួររំលឹកថា រវាងក្រុមបឹងកេតអង្គរ នឹងក្រុមយ៉ាំងហ្គូនយូណាយធីតអេហ្វស៊ី សុទ្ធតែមានបំណងយកឈ្នះលើគូប្រកួត រៀងៗខ្លួន ដោយមិនប្រាថ្នាចង់បានស្មើ ពិន្ទុនោះទេដើម្បីឡើងទៅវគ្គពាក់ កណ្ដាលផ្ដាច់ព្រ័ត្រជួបជាមួយនឹងក្រុម ម្ចាស់ជើងឯកវៀតណាមឆ្នាំ២០១៤និង ត្រូវបន្ដប្រកួតជាមួយក្លិប Buriram យូណាយធីតនៅវគ្គផ្ដាច់ព្រ័ត្រ ៕
ដោយ៖ សារីម
