ទីក្រុងប៉េកាំងបានសម្រេច អនុវត្តនូវយុទ្ធសាស្ត្រថ្មី នៅក្នុងសង្គ្រាម ពាណិជ្ជកម្មជាមួយអាមេរិក ក្នុងពេលដែលកំពុងតែតានតឹងខ្លាំងឡើង ៗ។
កិច្ចប្រជុំ «China Meets Europe»(ជំនួបពិភាក្សាចិន -អឺរ៉ុប)នឹងត្រូវធ្វើឡើងនៅទីក្រុង Hamberg នាថ្ងៃទី២៩ខែវិច្ឆិកា ដើម្បីពីភាក្សាទៅលើបញ្ហាសំខាន់ ក្នុងទំនាក់ទំនង ចិន អឺរ៉ុប។
ឆ្លើយតបទៅនឹងបទសម្ភាសន៍ជាមួយបណ្តាញព័ត៌មាន Die Welt នៅមុនកិច្ចប្រជុំទីក្រុងHamburgអគ្គរដ្ឋទូតចិន ប្រចាំនៅអាល្លឺម៉ង់ លោក Shi Mingde បានសរសើរដល់ ទំនាក់ទំនងកាន់តែជិតស្និតរវាងទីក្រុង ប៉េកាំង និងប៊ែកឡាំង។ អាល្លឺម៉ងនៅតែជាដៃគូ ធំបំផុត របស់ចិននៅអឺរ៉ុប ។
នៅក្នុងបទសម្ភាសន៍ជាមួយសារព័ត៌មាន Sputnik លោក Vladislav Belov អ្នកឯកទេស ទទួលបន្ទុក អឺរ៉ុប មកពីប្រទេសរុស្ស៊ីបានបញ្ជាក់ថា «បណ្តាក្រុមហ៊ុនអឺរ៉ុប មានការពេញចិត្តយ៉ាងខ្លាំង ចំពោះ កិច្ចសហប្រតិបត្តិការ ជាមួយចិន បើទោះបីគ្រប់យ៉ាងមិនមែនជារឿងងាយស្រួលក្តី ។
លោក Belov បញ្ជាក់ថា«ជាការពិតណាស់សង្គ្រាមពាណិជ្ជកម្ម អាមេរិក🇺🇸 -ចិន 🇨🇳 គឺជាចំណុចល្អ ដើម្បីឲ្យចិននិងអឺរ៉ុប បង្កើនទំនាក់ទំនងទ្វេភាគីកាន់តែប្រសើរឡើង ។ ប៉ុន្តែភាគីនិមួយ មានចក្ខុវិស័យ យុទ្ធសាស្ត្រផ្សេងៗគ្នាទៅលើដៃគូរបស់ខ្លួន ។ នៅថ្ងៃអនាគតប្រសិនបើរសង្គ្រាមពាណិជ្ជកម្ម អាមេរិកចិនតានតឹងជាងនេះ នឹងធ្វើឲ្យទំនាក់ទំនង អឺរ៉ុបចិន កើនឡើងលើគ្រប់វិស័យ »។
ចំពោះបណ្តាក្រុមហ៊ុននៅអឺរ៉ុប បានប្តេជ្ញាអភិវឌ្ឍន៍ទំនាក់ទំនងជាមួយចិន ប៉ុន្តែមានសភាពយឺតយ៉ាវ ។ លោកXu Feibiao អ្នកឯកទេស ពាណិជ្ជកម្ម អន្តរជាតិ មកពីមជ្ឈមណ្ឌុលទំនាក់ទំនងអន្តរជាតិចិន បានបញ្ជាក់ថា «អឺរ៉ុប នឹងចិន បានទទួលនៅសម្ពាធយ៉ាងខ្លាំងពីអាមេរិក ដូចគ្នា» ។ចំណុចដែល លោក Xu Feibiao ចង់លើកឡើងនោះគឺ ទីក្រុងប៉េកាំង និង អឺរ៉ុប ចាំបាច់ត្រូវតែ បង្កើតដៃគូរពិតប្រាកដនៅក្នុងពាណិជ្ជកម្ម ។
លោក Xu បានបញ្ជាក់ទៀតថា «សហគមន៍អឺរ៉ុប មានកម្លាំងសេដ្ឋកិច្ច គ្រប់គ្រាន់ហើយ អឺរ៉ុប មិនត្រូវការអាមេរិក ជួយនៅក្នុងវិស័យសេដ្ឋកិច្ចឡើយ។ អ្នកឯកទេសចិន បានបញ្ជាក់ថាបញ្ហា គឺស្ថិតនៅ លើផលប្រយោជន៍ ផលលាភ ដែលជាចំណុចជួយឲ្យអឺរ៉ុប សម្រេចជ្រើសរើសដៃគូពាណីជ្ជកម្មរបស់ខ្លួន ។
អឺរ៉ុបតែងតែស្វែងរកផលប្រយោជន៍របស់ខ្លួន នៅក្នុងវិស័យសេដ្ឋកិច្ច ពាណិជ្ជកម្ម រវាងអឺរ៉ុបនិងចិន មានធំជាង ពាណិជ្ជកម្ម រវាង អឺរ៉ុបនឹងអាមេរិក ជានោះហើយជាហេតុផលដែល ចិននឹងអឺរ៉ុប ត្រូវ បង្កើនកិច្ចសហប្រតិបត្តិការលើវិស័យសេដ្ឋកិច្ច ។
សកម្មភាពបង្កើនទំនាក់ទំនងរវាង អឺរ៉ុបនិង ចិន កើតឡើងក្នុងពេលដែលអឺរ៉ុប បានខិតខំសាមគ្គីភាពតំបន់ ដើម្បីចាកចេញពីឥទ្ធិពលរបស់អមេរិក ។
កន្លងមក អឺរ៉ុបបានសម្រេចប្រើប្រាស់ ប្រាក់អឺរ៉ូ ដើម្បី ដោះដូរពាណិជ្ជកម្ម ជាមួយបណ្តាប្រទេស ផ្សេងទៀត ក្នុងនោះមានការទិញប្រេងពីអង់ជាដើម ដើម្បីបញ្ចៀស ទណ្ឌកម្មពីអាមេរិក ។
មិនតែប៉ុណ្ណ អឺរ៉ុប ក៏បានសម្រេចបង្កើនកម្លាំងការពារដាច់ដោយឡែក ដើម្បីការពារអឺរ៉ុប បញ្ចប់ការពឹងផ្អែកទៅលើ កម្លាំង ណាតូ ដែលមានអាមេរិកជាអ្នកដឹកនាំនោះ ។
ជាមួយគ្នានេះដែរ ការចាកចេញពីអឺរ៉ុប របស់អង់ គ្លេស Brexit ក៏បានធ្វើឲ្យប៉ះពាល់យ៉ាងខ្លាំង ដល់សេដ្ឋកិច្ចតំបន់អឺរ៉ុប ជាកត្តាសំខាន់ជម្រុញឲ្យអឺរ៉ុប កាន់តែជិតស្និទជាមួយចិន ។
ពាក់ព័ន្ធការចាកចេញពិអឺរ៉ុប របស់អង់គ្លេសវិញ នាយករដ្ឋមន្ត្រីអង់គ្លេសលោកស្រីម៉េ និងប្រធានសហភាពអឺរ៉ុបលោក Donald Tusk ក្នុងអំឡុងពេលជំនួបកំពូលមេដឹកនាំសហភាពអឺរ៉ុប ដើម្បីបញ្ចប់កិច្ចព្រមព្រៀង Brexit ជាផ្លូវការ ក្នុងទីក្រុងប្រ៊ុចស៊ែល ប្រទេសបែលហ្ស៊ិក នាថ្ងៃទី២៥ ខែវិច្ឆិកាឆ្នាំ២០១៨។
មេដឹកនាំសហភាពអឺរ៉ុប បានជួបប្រជុំគ្នានៅថ្ងៃអាទិត្យ ទី២៥ វិច្ឆិកានេះ និងបានអនុម័ត លើកិច្ចព្រមព្រៀងលែងលះគ្នាជាផ្លូវការ ជាមួយប្រទេសអង់គ្លេស (Brexit)។ ការចាកចេញរបស់អង់ គ្លេស ពីសមាជិកបណ្តាប្រទេសសហភាពអឺរ៉ុប ត្រូវបានគេចាត់ទុកថា ជាព្រឹត្តិការណ៍ប្រវត្តិសាស្រ្តមួយដ៏គួរឲ្យសោកស្តាយ។ ប៉ុន្តែសម្រាប់រដ្ឋាភិ បាលទីក្រុងឡុដ៍វិញ ការចាកចេញនេះ គឺជាក្តីសង្ឃឹមដ៏ភ្លឺស្វាងមួយសម្រាប់អនាគតប្រទេសអង់គ្លេស។
“ថ្ងៃដែលអង់គ្លេសចែកផ្លូវ ជាមួយសហភាពអឺរ៉ុប វាគឺជាថ្ងៃដ៏ក្រៀមក្រំ”។ នេះ គឺជាការលើកឡើងរបស់ ប្រធានគណៈកម្មការអឺរ៉ុបលោក Jean-Claude Juncker ដោយលោកបានគូសបញ្ជាក់បន្ថែមថា ការឈរមើលប្រទេសដូចជាចក្រភពអង់គ្លេស…ចាកចេញពីសហភាពអឺរ៉ុប វាមិនមែនជាពេលវេលាសប្បាយរីករាយនោះទេ តែវាគឺជាពេលវេលាដ៏សោកសៅមួយ។
សូមជម្រាបជូនថា មេដឹកនាំនៃបណ្តាប្រទេសអឺរ៉ុបចំនួន ២៧ ប្រទេស បានព្រមព្រៀងគ្នាលើការផ្តាច់ខ្លួនរបស់ប្រទេសអង់គ្លេស ចេញពីសហភាពអឺរ៉ុបហើយនៅថ្ងៃអាទិត្យនេះ ហើយបន្ទាប់មកទៀត ក្រុមបទេសអឺរ៉ុបទាំងអស់ នឹងមានកិច្ចប្រជុំបន្ទាប់ជាមួយនិងនាយករដ្ឋមន្ត្រីអង់គ្លេសគឺលោកស្រីតេរ៉េហ្សា ម៉េ ដើម្បីឈានដល់កិច្ចកិច្ចព្រមព្រៀងចុងក្រោយជាមួយគ្នា។
គួររំឭកជូនផងដែរថា ទម្រាំឈានដល់កិច្ចព្រមព្រៀងជាផ្លូវការនៃការលែងលះគ្នារបស់សហភាពអឺរ៉ុប និងប្រទេសអង់គ្លេសនេះ សហភាពអឺរ៉ុប ព្រមទាំងរដ្ឋាភិបាលអង់គ្លេសដឹកនាំដោយលោកស្រីម៉េ បានចំណាយពេលចរចាគ្នា ប្រមាណជា ១៧ ខែមកហើយ។ ចំណុចដែល ភាគីទាំងពីរពិបាកនឹងរកផ្លូវដើររួមគ្នានោះ គឺទាក់ទងនឹងបញ្ហាហិរញ្ញវត្ថុ សិទ្ធិប្រទេសអៀរឡង់ខាងជើង និងដំណាក់កាលអន្តរកាល ទំនាក់ទំនងសន្តិសុខ និងការធ្វើពាណិជ្ជកម្មជាមួយគ្នានាពេលអនាគត។
គួរកត់សម្គាល់ទៀតថា ទោះបីជាសហភាពអឺរ៉ុបបានចុះហត្ថលេខា លើកិច្ចព្រមព្រៀងចំពោះការផ្តាច់ខ្លួនចេញរបស់អង់គ្លេសហើយយ៉ាងណាក្តី នេះមិនមែនមានន័យថា អ្វីៗវាចប់ជាស្ថាពរនោះឡើយ។ រដ្ឋាភិបាលអង់គ្លេស ត្រូវឆ្លងកាត់ដំណាក់កាលចុងក្រោយមួយទៀត នោះគឺដំណាក់កាលសភាប្រជាជន។
វាមានន័យថា គណបក្សកាន់អំណាចរបស់លោកស្រីម៉េ ត្រូវការ ការយល់ព្រមពីសភាជាតិអង់គ្លេស លើកិច្ចព្រមព្រៀងដែលលោកស្រីបានឯកភាព និងសម្រេចបានជាមួយសហភាពអឺរ៉ុប។ មិនតែប៉ុណ្ណោះ រដ្ឋការរបស់លោកស្រីម៉េ ត្រូវធ្វើយ៉ាងណា ទទួលបានការគាំទ្រពីសភាអង់គ្លេស ឲ្យបានមុនកាលកំណត់ Brexit ផ្លូវការ នាថ្ងៃទី ២៩ ខែមីនា ឆ្នាំ២០១៩ខាងមុខ៕ ដោយ៖ មែវ សាធី
