កាលពីសម័យមុនមានការរំលោភពំពាន់ទៅលើពលករ កម្មករ បង្កឲ្យមានការធ្វើបាតុកម្ម កូដកម្មជាច្រើន កើនឡើងនៅជុំវិញពិភពលោក ពិសេសគឺនៅថ្ងៃទី១ខែឧសភា ដែលជាទិវាពលកម្មអន្តរជាតិ ។ ប៉ុន្តែនៅក្នុងឧកាសទិវាពលកម្មអន្តរជាតិឆ្នាំ២០១៩នេះ បានក្លាយទៅជាថ្ងៃនៃដំណើរកម្សាន្ត យ៉ាងសម្បាយរីករាយរបស់ ក្រុមពលករកម្មករទៅវិញ។
ពាក់ព័ន្ធនិងប្រវត្តិសាស្ត្រ ទិវាពលកម្មអន្តរជាតិ កើតឡើងដំបូងនៅអាមេរិក នាឆ្នាំ១៨៨៦ ក្នុងទីក្រុឧស្សាហកម្មChicago ។ នៅថ្ងៃទី១ខែឧសភាឆ្នាំ១៨៨៦ ដោយសារតែតម្រូវការរបស់ពលករ មិនបានបំពេញគ្រាប់គ្រាន់ ក្រុមពលករ កម្មករនៅទូទាំងអាមេរិក បាននាំគ្នា ធ្វើកូដកម្មនៅទូទំាងអាមេរិក ទាមទាបំពេញផលប្រយោជន៍របស់ពលករ ។
ដំបូង កូដកម្មនៅទីក្រុងChicago ដោយមានកម្មករជាង៤មឺននាក់ ចូលរួម ។ នៅក្នុងថ្ងៃនេះដែរ នៅទូទាំងអាមេរិក មានការធ្វើកូដកម្មដល់ទៅ៥ពាន់កន្លែង ក្នុងរយៈពេល៨ម៉ោងថ្ងៃទី១ខែឧសភាឆ្នាំ១៨៨៦។ ក្រៅពីអាមេក៏នៅមានប្រទេសជាច្រើន បាននាំគ្នាធ្វើកូដកម្មផងដែរ ។
នៅថ្ងៃទី២០ខែមិថុនាឆ្នាំ១៨៨៩ គឺ៣ឆ្នាំក្រោយមហាកូដកម្មនោះនៅទីក្រុង ជីកាហ្គោ មានមហាសន្និបាទអន្តរជាតិធ្វើឡើងនៅទីក្រុងប៉ារីសប្រទេសបារាំង ហើយបានកំណត់យកថ្ងៃទី១ខែឧសភា ធ្វើជាទិវាពលកម្មអន្តរជាតិ។
ទិវាពលកម្មអន្តរជាតិ១ឧសភា ត្រូវបានធ្វើឡើងនៅប្រទេសជាច្រើនជុំវិញពិភពលោក ដោយមានសកម្មភាពផ្សេងពីគ្នា ។ ប្រទេសខ្លះមានបានឈប់សម្រាក់ជាច្រើនថ្ងៃ និងប្រទេសខ្លះទៀតនាំគ្នាដង្ហែក្បួនបាតុកម្ម ទាមទា សិទ្ធ និងផលប្រយោជន៍ពលកម្ម។
នៅប្រទេសចិន ក្នុងឱកាសនៃទិវាពលកម្មអន្តរជាតិឆ្នាំនេះ គឺជាពេលវេលាដំណើរកម្សាន្តជាទ្រងទ្រាយធមបំផុត ដោយមានការដំណើរនៅទូទាំងប្រទេសដល់ទៅ១៦០លាន ជើងទាំងរថយន្តក្រុងនិង យន្តហោះ ។
ការធ្វើដំណើរកម្សាន្តច្រើន បែបនេះគឺដោយសារតែនៅក្នុងឆ្នំនេះ បានឈប់សម្រាក់ក្នុងឱកាសទិវាពលកម្មអន្តរជាតិដល់ទៅ៤ថ្ងៃ ចាប់ពីថ្ងៃទី១ខែឧសភាដល់ថ្ងៃទី៤ខែឧសភា។ ក្នុងរយៈពេល១ម៉ោងក្រោយការប្រកាស ឈប់សម្រាក់៤ថ្ងៃ ចំនួនពលរដ្ឋ ស្វែងរក Tour កម្សាន្តនៅលើ CTrip កើនឡើងដល់ទៅ៥០ភាគរយ។អ្នកទេសចរណ៍មកពីជាង ៦១០ទីក្រុង ទាំងក្នុងនិងក្រៅប្រទេសបាន កក់ Tour កម្សាន្ត តាមរយៈ Ctrip ដោយក្រុមហ៊ុននេះបាននាំភ្ញៀវធ្វើដំណើរទៅកាន់ ៩០០កន្លែងនៅ៩០ប្រទេស ជុំវិញពិភពលោក។ ភាគច្រើនអ្នកទេសចរណ៍ ជាយុវជន ពីអាយុ២០ឆ្នាំឡើង ។
ជាមួយគ្នានេះក្រុមហ៊ុនដឹកអ្នកដំណើរតាមផ្លូវដែករបស់ចិន ក៏បាន បង្កើនជើងរថភ្លើងបន្ថែមទៀត ។ តាមគម្រោង អ្នកធ្វើដំណើរតាមផ្លូវដែលមានដល់ទៅ៦៩លាននាក់ ចាប់ពីថ្ងៃទី៣០ដល់ថ្ងៃទី ៤ខែឧសភា កើន១១ភាគរយ ប្រៀបធៀបនិងឆ្នាំ២០១៨។
ក្នុងពេលដែលចិនប្រារព្ធទិវាពលកម្មអន្តរជាតិជាថ្ងៃសម្បាយរីករាយ ជាថ្ងៃធ្វើដំណើរកម្សាន្តជាច្រើន ។ចំណែកប្រទេសខ្លះទៀត បានឈប់សម្រាក់តែមួយថ្ងៃប៉ុណ្ណោះ គឺនៅថ្ងៃទី១ខែឧសភា ។
នៅប្រទេសអាល្លឺម៉ងយប់ថ្ងៃទី៣០ខែមេសា ពលរដ្ឋមួយចំនួនធំមិនបានដេកនោះឡើយដោយធ្វើពិធីជប់លៀងនៅខាងក្រៅរហូតដល់ថ្ងៃទី១ខែឧសភា។ ប្រទេសជាច្រើនផ្សេងទៀតនៅតំបន់អឺរ៉ុប ដូចជាបារាំង អ៊ីតាលី អេស្បាញ ស្លូវ៉ាគី… គឺមានពិធីជប់លៀងដូចគ្នា ៕
