ខេត្តព្រះសីហនុ ៖ នៅមុននេះបន្តិចសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានអញ្ជើញធ្វើដំណើរទៅកាន់ទីក្រុងព្រះសីហនុ បន្ទាប់ពីដឹកនាំគណៈប្រតិភូវិលត្រឡប់ពីបញ្ចប់កិច្ចប្រជុំអាស៊ាននៅទីក្រុងបាងកកនៅរសៀលថ្ងៃអាទិត្យនេះ ។
បន្ទាប់ពីមានសោកនាដកម្មដ៏សែនក្តុកក្តួលពីការបាក់រលំអគារកម្ពស់៧ជាន់នៅទីក្រុងព្រះសីហនុ បណ្ដាលឲ្យជនរួមជាតិ១៨នាក់បានស្លាប់និង២៤នាក់ទៀតរងរបួស ភាគច្រើនជាកម្មករ កម្មការិនីបម្រើការងារនៅក្នុងការដ្ឋានសំណង់កេីតហេតុ
ខាងលើនេះ ។
កាលពីព្រឹកព្រហាមថ្ងៃទី២២ ខែមិថុនាឆ្នាំ២០១៩ នៅក្រុងខេត្តព្រះសីហនុ សម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាក៏បាន ផ្ញើសារចូលរួមរំលែកទុក្ខដ៏ក្រៀមក្រំជាមួយនឹងក្រុមគ្រួសារសពជនរងគ្រោះ ក៏ដូចជាជនដែល បានរងរបួសដោយឧប្បត្តិហេតុបាក់រលំសំណង់
ខាងលើនេះ។
ជាមួយនឹងវិធានការជំរុញឲ្យអាជ្ញាធរគ្រប់លំដាប់ថ្នាក់ជួយអន្តរាគមន៍ក៏ដូចជាការផ្ដល់ថវិកាដល់គ្រួសារសពនិងអ្នករងរបួសព្យាបាលដោយឥតគិតថ្លៃ ហេីយនៅវេលាម៉ោង៤និង៣០នាទីរសៀលថ្ងៃទី២៣ ខែមិថុនាឆ្នាំ២០១៩នេះ អ្នក
ស្លាប់ចំនួន១៧នាក់ត្រូវបានបញ្ជូនក្រុមគ្រួសារយកទៅធ្វើបុណ្យតាមប្រពៃណីនៅឯស្រុកកំណើត។ ដោយឡែកសពម្នាក់ត្រូវបានបូជានៅខេត្តព្រះសីហនុ និងអ្នករបួសចំនួន២៤នាក់ទៀតត្រូវបានយកចិត្តទុកដាក់ព្យាបាលពីក្រុមគ្រូពេទ្យរដ្ឋ ដោយមិនយកថ្លៃសេវាកម្មអ្វីទាំងអស់ ។
លេីសពីនេះទៀត ប្រមុខរាជរដ្ឋាភិបាលដូចជាថ្នាក់ដឹកនាំតាមស្ថាប័នរបស់រដ្ឋបានចេញសារលិខិតចូលរួមរំលែកទុក្ខយ៉ាងក្រៀមក្រំ ។ មិនតែប៉ុណ្ណោះសម្តេចតេជោហ៊ុនសែននាយករដ្ឋមន្ត្រីនៃកម្ពុជាក្រោយពីបញ្ចប់កិច្ចប្រជុំអាស៊ាននៅទីក្រុងបាងកកមិនបានប៉ុន្មានផង នៅមុននឹង រឹតបន្តិចនាវេលាម៉ោង ៨ និង៣០នាទី នាយប់ថ្ងៃទី២៣ ខែមិថុនាឆ្នាំ២០១៩ សម្ដេចបានអញ្ជើញបន្តដំណើរទៅកាន់ខេត្តព្រះសីហនុដើម្បីពិនិត្យកន្លែងកើតហេតុក៏ដូចជាតាមដានករណីបាក់រលំសំណង់អគារនេះ ។
សម្ដេចបានមានប្រសាសន៍នៅលើទំព័ហ្វេសប៊ុកសម្ដេចយ៉ាងដូច្នេះថា ពេលនេះខ្ញុំកំពុងធ្វើដំណើរទៅកាន់ខេត្តព្រះសីហនុដើម្បីចូលរួមក្នុងកិច្ចខិតខំប្រឹងប្រែងរុករកនិងសង្រ្គាះជាបន្តជាមួយ
បងប្អូនដែលកំពុងធ្វើការនៅទីនោះស្រាប់។ខ្ញុំសុំអំពាវនាវចំពោះសប្បុរសជនមេត្តាជួយជាថវិកាដល់គ្រួសារនៃអ្នកបាត់បង់
ជិវិតនិងអ្នករបួសក្នុងហេតុការណ៍នេះ៕
