ភ្នំពេញ៖​ ជនសង្ស័យ​ប្រុសស្រីមានគ្នា៣នាក់ត្រវបាន កម្លាំងនគរបាលខណ្ឌពោធិ៍សែនជ័យ ធ្វើការឃាត់ខ្លួនបន្ទាប់ពីពួកគេបានលួចរថយន្តកូរ៉ូឡាមួយគ្រឿងបានសម្រេច​ ហើយព្យាយាមគេចខ្លួន​ កាលពីវេលាម៉ោង១១ និង៣០នាទីយប់ថ្ងៃទី២០ ខែធ្នូ ឆ្នាំ២០១៥  នៅចំណុច ក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនសែនជ័យ រាជធានីភ្នំពេញ​ លុះប្រមាណ២ម៉ោងក្រោយមកក៏នគរបាលឃាត់ខ្លួនបានវិញបន្ទាប់ ទទួលបានពាក្យប្ដឹងពីម្ចាស់រថយន្ត ។

ជនសង្ស័យដែលត្រូវចាប់ខ្លួននោះ ទី១ឈ្មោះ ធឿន វិបុល អាយុ២៧ឆ្នាំមុខរបរបើកបររថយន្តកុងតឺន័រ សុកន ត្រេនស្ពត ស្នាក់នៅក្នុងភូមិត្រពាំងថ្លឹង សង្កាត់ចោមចៅ ទី២ឈ្មោះនន់​ ផល្លី​ ភេទប្រុសអាយុ២៨ឆ្នាំ​ មុខរបជាជងសំណង់​ ស្នាក់នៅសង្កាត់ទឹកថ្លា​ ខណ្ឌសែនសុខ​  និងទី៣ឈ្មោះលី​ រ័ត្ន​ ភេទស្រី​ អាយុ៣០ឆ្នាំ​ មុខរបបម្រើការក្នុងហាងខាងរ៉ាអូខេ សែនអាល័យ ។ ចំណែករថយន្ត ដែលត្រូវជនសង្ស័យលួច នោះម៉ាកកូរ៉ូឡា ពណ៏ខ្មៅ ស៊េរីឆ្នាំ១៩៩៧ ពាក់ស្លាកលេខ ភ្នំពេញ2N-5202 ជាកម្មសិទ្ធិរបស់បុរសម្នាក់ ឈ្មោះកុង បញ្ញា អាយុ២៧ឆ្នាំ មុខរបរលក់ដូរ មានទីលំនៅក្នុងភូមិ កើតហេតុខាងលើ ។

តាមប្រភពព័ត៌មានបានឲ្យដឹងថា នៅមុនពេលកើតហេតុ ម្ចាស់រថយន្តបានទុករថយន្ត របស់ខ្លួននៅ មុខផ្ទះ ហើយបានចូលគេងនៅខាងក្នុង លុះក្រោយមកស្រាប់តែបាត់មិនឃើញ ក៏បានទៅប្ដឹងប៉ូលិសឲ្យជួយស្រាវជ្រាវរក បន្ទាប់ពីទទួលបានបណ្ដឹងហើយ ប៉ូលិសបានបើកធ្វើការស្រាវជ្រាវភ្លាមៗ ហើយបានប្រទះ ឃើញរថយន្តដែលមានភិភាគដូចខាងលើ នៅចំណុចមុខក្លឹបរីលែក ដែលមានទីតាំងស្ថិត នៅតាមបណ្តោយផ្លូវលេខ២០១១ ក្នុងភូមិតាងួន សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។ ក៏បានឃាត់រួមជាមួយជនសង្ស័យ៣នាក់ ដែលកំពុងផឹកស៊ីនៅក្នុងហាងនោះផងដែរ ប៉ុន្តែក្រោយនាំទៅ សាកសួរទើបដឹងថា ជនដែលដៃដល់និងជាអ្នកលួចរថយន្តនោះ គឺមានតែម្នាក់ទេ ចំណែក២នាក់ទៀតមាន ប្រុសម្នាក់និងស្រីម្នាក់ដែលជាគូសង្សារ មិនមានការពាក់ព័ន្ធនោះឡើយ គ្រាន់តែអ្នកផឹកស៊ីជាមួយ ដោយមិនដឹងខ្លួនប៉ុណ្ណោះ ។

ក្រោយមកប៉ូលិសបានដោះលែងអ្នកមិនមានការពាក់ព័ន្ធឲ្យទៅវិញ ប៉ុន្តែអ្វីដែលគួរឲ្យចាប់អារម្មណ៏នោះ នៅយប់ខាងលើ ប៉ូលិសឃាត់មនុស្សចំនួន៣ នាក់និងដកហូតយកសម្ភារៈមួយចំនួន មានកាបូនលុយមួយ ដែលមានលុយ ចំនួន៣០ម៉ឺនរៀល ,ទូរស័ព្ទដៃម៉ាកអាហ្វូនស៊ីក១គ្រឿង និងទូរស័ព្ទដៃម៉ាកសាំសុង ១គ្រឿងផងដែរ ។ បន្ទាប់មកបាននាំទៅធ្វើករសាកសួរ នៅផ្នែកព្រហ្មទណ្ឌប៉ូលិសខណ្ឌពោធិ៍សែនជ័យ ប៉ុន្តែក្រោយការសាកសួរ ឃើញថាជនដៃដល់ក្នុងការលួចរថយន្តនោះ មានតែម្នាក់ទេចំណែក២នាក់ទៀតមានប្រុសម្នាក់ និងស្រីម្នាក់ ដែលជាគូសង្សារ មិនមានការពាក់ព័ន្ធអ្វីឡើយ ហើយពួកគេបានបាត់បងកាបូបលុយ និងទូរស័ព្ទដៃម៉ាក អាហ្វូនស៊ីក ហើយក៏បានសំណូមពរឲ្យប៉ូលិសប្រគល់ឲ្យពួកគេវិញផងដែរ មិនត្រូវយករបស់គេបែបនេះឡើយ ។ ទើបពួកគេបានសំណូមពរឲ្យ លោកយឹម សារ៉ាន់ អធិការប៉ូលិសខណ្ឌ ជួយរករបស់ដែលពួកគេបាត់នេះមកវិញផង ៕

ដោយ៖ សុខាសែនជ័យ