ភ្នំពេញ៖ យុវជនម្នាក់រៀននៅសកលវិទ្យាល័យភូមិន្ទភ្នំពេញដេកស្លាប់ក្នុងផ្ទះជួលសង្ស័យខ្យលគ បង្កអោយមានការភ្ញាក់ផ្អើលសមត្ថកិច្ច កាលពីវេលាម៉ោង១២យប់ថ្ងៃទី២១ ខែធ្នូ ឆ្នាំ២០១៥ នៅចំណុចផ្ទះជួលលេខ៣៥ ផ្លូវលំ ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ។

សពត្រូវបានគេស្គាល់ឈ្មោះ សារ៉ន រ៉េន​ អាយុ២៣ឆ្នាំ ជានិសិត្សឆ្នាំទី៤រៀននៅសកលវិទ្យល័យភូមិន្ទភ្នំពេញផ្នែកអាយធី មានស្រុកកំណើត ស្រុកលើកដែក ខេត្តកណ្តាល ។

ប្រភពពីអ្នកនៅជាមួយបានអោយដឹងថា នៅវេលាម៉ោង៨ទៅ៩យប់ជនរងគ្រោះបានអង្គុយធ្វើិកិច្ចការដោយប្រើកុំព្យួទ័រហើយរូបគាត់បានហៅជនរងគ្រោះអោយចូលដេកពេលនោះជនរងគ្រោះក៍ប្រាប់អោយគាត់ដេកមុន លុះដល់ម៉ោង១២យប់ គាត់ភ្ញាក់ឡើងក៍ឃើញអាការះជនរងគ្រោះត្រដរខ្យល់ហើយបានដាច់ខ្យល់ស្លាប់តែម្តង ។

ក្រោយកើតហេតុក៍មានសមត្ថកិច្ចចុះពិនិត្យដល់កន្លែងកើតហេតុបានសណ្ឋានថាពិតជាស្លាប់ដោយសារខ្យល់គពិតប្រាកដមែន ។ សពត្រូវសមត្ថកិច្ចប្រគល់អោយទៅក្រុមគ្រួសារយកទៅធ្វើបុណ្យនៅឯស្រុកកំណើតតាមប្រពៃណី ៕

ដោយ៖ តុង សីហា