ខេត្តកំពង់ចាម ៖ នៅថ្ងៃទី៥ ខែកក្តដា ឆ្នាំ២០១៩ នៅវេលាម៉ោង១៨និង៣០នាទីនៅចំណុចបន្ទប់ជួលលេខ៨ ភូមិជ្រោយថ្ម សង្កាត់បឹងកុក ក្រុងកំពង់ចាម ខេត្តកំពង់ចាម កំលាំងជំនាញការិយាល័យប្រឆាំងគ្រឿងញៀនខេត្តកំពង់ចាម បានសហការ ជាមួយកំលាំងជំនាញអធិការដ្ឋាននគរបាលក្រុងកំពង់ចាម ដឹកនាំដោយលោកវរសេ នីយ៍ទោ ជីវ សេងរស់ នាយការិយាល័យ បើកកិច្ចប្រតិបត្តិការបង្រ្កាបករណីជួញដូរដោយខុសច្បាប់នូវសារធាតុញៀន ដោយវិធានញុះញង់ឃាត់ខ្លួនជនសង្ស័យចំនួន០៩នាក់ ចាប់យកថ្នាំញៀន១៩កញ្ចប់ (ធំ០៤កញ្ចាប់) ទូរស័ព្ទដៃចំនួន ៨គ្រឿង ម៉ូតូ៤គ្រឿង និងសំភារៈវិចខ្ចប់ឧបករណ៍សេពមួយចំនួន។
លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាមបានអោយដឹងថា ក្រោយទទួលពត៌មានពីប្រជាពលរដ្ឋល្អរាយការណ៍ប្រាប់ លោកបានចាត់កម្លាំងចុះធ្វេីការស្រាវជ្រាវ និងបេីកកិច្ចប្រតិបត្តិការបង្ក្រាប។ ក្នុងនោះមុខសញ្ញាមានដីការនិងជួញដូរដោយខុសច្បាប់នូវសារធាតុញៀន។
នគរបាលអោយដឹងថា ប្រតិបត្តិការនេះធ្វេីនៅចំណុចបន្ទប់ជួលលេខ៨ ភូមិជ្រោយថ្ម សង្កាត់បឹងកុក ក្រុងកំពង់ចាម ខេត្តកំពង់ចាម ដោយវិធានញុះញង់ឃាត់ខ្លួនជនសង្ស័យចំនួន០៩នាក់ ចាប់យកថ្នាំញៀន១៩កញ្ចប់ (ធំ០៤កញ្ចាប់) ទូរស័ព្ទ ដៃចំនួន០៨គ្រឿង ម៉ូតូ៤គ្រឿង និងសំភារៈវិចខ្ចប់ឧបករណ៍សេពមួយចំនួន។
ជនសង្ស័យទាំង៩នាក់ដែលត្រូវម្លាំងនគរបាលឃាត់ខ្លួន៖
១-ឈ្មោះ សន សារ៉ា ភេទប្រុស អាយុ៣៨ឆ្នាំ សញ្ជាតិខ្មែរ រស់នៅភូមិជ្រៀវ ឃុំតាលុង ស្រុកមេមត់ ខេត្តត្បូងឃ្មុំ។
២-ឈ្មោះ រៀម បញ្ញា ភេទប្រុស អាយុ១៨ឆ្នាំ ជាតិខ្មែរ រស់នៅភូមិកោះប្រាក់ ឃុំកោះប្រាក់ ស្រុកកំពង់សៀម ខេត្តកំពង់ចាម
៣-ឈ្មោះស្រេង ប្រុសធំ ភេទប្រុស អាយុ២០ឆ្នាំ ជាតិខ្មែរ រស់នៅភូមិកោះប្រាក់ ឃុំកោះប្រាក់ ស្រុកកំពង់សៀម ខេត្តកំពង់ចាម
៤-ឈ្មោះឌាន វិដាន ភេទប្រុស អាយុ៣៥ឆ្នាំ ជាតិខ្មែរនៅភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម។
៥-ឈ្មោះរ៉ូន ណាស៊ីម អាយុ៣៥ឆ្នាំ សញ្ជាតិខ្មែរឥស្លាម រស់នៅភូមិរកាលើ សង្កាត់សំបួរមាស ក្រុងកំពង់ចាម ខេត្តកំពង់ចាម។
៦-ឈ្មោះ ហ៊ត គង់ ភេទប្រុស អាយុ៤១ឆ្នាំ នៅភូមិរកាលើ សង្កាត់សំបួរមាស ក្រុងកំពង់ចាម ខេត្តកំពង់ចាម។
៧-ឈ្មោះរស់ រ៉េត ភេទប្រុស អាយុ២៤ឆ្នាំ នៅភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាម។៨-ឈ្មោះយាន ធិនចិន ភេទប្រុស អាយុ១៩ឆ្នាំ នៅភូមិកោះប្រាក់ ឃុំកោះប្រាក់ ស្រុកកំពង់សៀម ខេត្តកំពង់ចាម។
៩-សាន ផានិត ភេទប្រុស អាយុ២២ឆ្នាំ នៅភូមិអំពិលក្រោម ឃុំអំពិល ស្រុកកំពង់សៀម ខេត្តកំពង់ចាម។
នៅពេលនេះកម្លាំងបានកសាងសំណុំឯកសារដេីម្បីត្រៀមបញ្ជូនខ្លួនពួកគេមកតុលាការចាត់ការតាមច្បាប់ ៕ ដោយ ៖ វណ្ណៈ
