ការប្រកួតបាល់ទាត់ពិភពលោកផ្នែកនារី(Women’s World Cup) នៅប្រទេសបារាំងបានឈានដល់វគ្គផ្តាច់ព្រ័ត្រហើយសម្រាប់រាត្រីថ្ងៃទី៧ខែកក្កដាឆ្នាំ២០១៩នេះក្រុមខ្លាំងនារីហុល្លង់ប៉ះជាមួយក្រុមខ្លាំងអាមេរិកនាវេលាម៉ោង១០យប់ថ្ងៃទី៧​ ខែកក្កដាម៉ោងនៅកម្ពុជានៅ​កីឡដ្ឋានGroupama Stadium (Décines-Charpieu) ក្នុងប្រទេសបារាំង។
នៅក្នុងជំនួបនេះគេមើលឃើញថាអាមេរិកជាក្រុមខ្លាំងបានបំបាក់ក្រុមនារីអង់គ្លេស២-១ក្នុងវគ្គ៤ក្រុម។​ចំណែកក្រុមនារីហុល្លង់បានបំបាក់ក្រុមខ្លាំងស៊ុយអែតក្នុងលទ្ធផល១-០ក្នុងម៉ោងបន្ថែមវគ្គ៤ក្រុមចុងក្រោយដូចគ្នា។ ក្រុមទាំង២នេះមានកីឡាការិនី​និងសមត្ថភាពប្រហាក់ប្រហែលគ្នាប៉ុន្តែកាលពីវគ្គជម្រុះតាមពូលក្រុមជម្រើសជាតិអាមេរិកធ្វើបានល្អដោយមិនដែលចាញ់ទាល់តែសោះពោលគឺឈ្នះគ្រប់ការប្រកួតក្នុងវគ្គជម្រុះ។ ចំណែកក្រុមហុល្លង់វិញក៏ធ្វើបានល្អដែរដោយដោយមិនដែលចាញ់ដូចគ្នា ប៉ុន្តែឈ្នះគូប្រកួតយ៉ាងប្រផិតប្រផើយ។ ដូច្នេះទិន្នន័យនេះអាមេរិកដូចជាមានសង្ឃឹមច្រើនសម្រាប់ជំនួបនៅរាត្រីនេះដោយផ្អែកលើប្រវត្តិជួបគ្នាកន្លងទៅ។ ប៉ុន្តែក្រុមហុល្លង់ត្រូវបានគេមើលឃើញថា កំពុងតែឡើងជើងនិងយុទ្ធសាស្ត្រលេខល្អបើទោះបីក្រុមនេះមិនធ្លាប់ឈ្នះជើងឯកក៏ដោយក៏ជាប្រវត្តិសាស្ត្ររបស់ហុល្លង់ដែលបានឈានមកដល់វគ្គផ្តាច់ព្រ័ត្រជាលើកទី១។
នៅក្នុងប្រវត្តិព្រឹត្តិការណ៍បាល់ទាត់ពិភពលោកផ្នែកនារីក្រុមជម្រើសជាតិនារីអាមេរិកមានប្រវត្តិល្អជាងគេដោយធ្លាប់ឈ្នះជើងឯក៣ដង ជាជើងឯករងម្តងនិងជាប់ចំណាត់ថ្នាក់លេខ៣ចំនួន៣ដង ខណៈដែលក្រុមជម្រើសជាតិនារីហុល្លង់មិនទាន់ស្គាល់រស់ជាតិឈ្នះជើងឯកទេ សូម្បីតែចំណាត់ថ្នាក់លេខ២, លេខ៣, លេខ៤ក៏មិនធ្លាប់ទទួលបានដែរ។
ចាំមើលជំនួបក៏កក្រើកមួយនេះតើអាមេរិកអាចរក្សាតំណែងជើងឯកទៀតបានឬមួយហុល្លង់ជាអ្នកកែប្រែប្រវត្តិសាស្ត្រប្រទេសរបស់ខ្លួនខាងក្រោមនេះគឺព័ត៌មាននិងការវិភាគសម្រាប់ក្រុមទាំង២៖
អាមេរិក៖
៥ប្រកួតចុងក្រោយរបស់បារាំងគឺឈ្នះ ទាំង៥ប្រកួត។​៣ប្រកួតចុងក្រោយរបស់ក្រុមជម្រើសជាតិនារីអាមេរិកគឺឈ្នះក្រុមអេស្ប៉ាញ២-១ក្នុងងជំនួបWomen’s World Cup វគ្គ១៦ក្រុមឈ្នះក្រុមម្ចាស់ផ្ទះបារាំង២-១ក្នុងវគ្គ៨ក្រុមនិងឈ្នះក្រុមអង់គ្លេស២-១ក្នុងវគ្គ៤ក្រុម។
មានសមាសភាពកីឡាការិនីដូចជា៖
អ្នកចាំទី៖Adrianna Franch (Portland Thorns FC), Ashlyn Harris (Orlando Pride), Alyssa Naeher (Chicago Red Stars)
ខ្សែការពារ៖Abby Dahlkemper (NC Courage), Tierna Davidson (Chicago Red Stars), Crystal Dunn (NC Courage), Ali Krieger (Orlando Pride), Kelley O’Hara (Utah Royals FC), Becky Sauerbrunn (Utah Royals FC), Emily Sonnett (Portland Thorns FC).
ខ្សែបម្រើ៖ Morgan Brian (Chicago Red Stars), Julie Ertz (Chicago Red Stars), Lindsey Horan (Portland Thorns FC), Rose Lavelle (Washington Spirit), Allie Long (Reign FC), Samantha Mewis (NC Courage).
ខ្សែប្រយុទ្ធ៖ Tobin Heath (Portland Thorns FC), Carli Lloyd (Sky Blue FC), Jessica McDonald (NC Courage), Alex Morgan (Orlando Pride), Christen Press (Utah Royals FC), Mallory Pugh (Washington Spirit), Megan Rapinoe (Reign FC)។
ហុល្លង់៖
៥ប្រកួតចុងក្រោយរបស់ក្រុមហុល្លង់គឺឈ្នះទាំង៥ប្រកួត។៣ប្រកួតចុងក្រោយរបស់ក្រុមជម្រើសជាតិនារីហុល្លង់គឺឈ្នះក្រុមនារីជប៉ុន២-១ ក្នុងងជំនួបWomen’s World Cup ជម្រុះវគ្គ១៦ក្រុម ឈ្នះក្រុមនារីអុីតាលី២-០ ក្នុងវគ្គ៨ក្រុម និងឈ្នះ ក្រុមនារីស៊ុយអែត ១-០ ក្នុងម៉ោងបន្ថែមវគ្គ៤ក្រុម។
មានសមាសភាពកីឡាការិនីដូចជា៖
អ្នកចាំទី៖ Loes Geurts (Kopparbergs/Göteborg), Lize Kop (Ajax), Sari van Veenedaal (Arsenal)
ខ្សែការពារ៖ Dominique Bloodworth (Arsenal), Anouk Dekker (Montpellier), Merel van Dongen (Real Betis), Kika van Es (Ajax), Stefanie van der Gragt (FC Barcelona), Danique Kerkdijk (Bristol City), Desiree van Lunteren (SC Freiburg), Liza van der Most (Ajax).
ខ្សែបម្រើ៖ Daniëlle van de Donk (Arsenal), Jackie Groenen (1. FFC Frankfurt), Inessa Kaagman (Everton), Victoria Pelova (ADO den Haag), Jill Roord (Bayern Munich), Sherida Spitse (Vålerenga).
ខ្សែប្រយុទ្ធ៖ Lineth Beerensteyn (Bayern Munich), Ellen Jansen (Ajax), Renate Jansen (FC Twente), Lieke Martens (FC Barcelona), Vivianne Miedema (Arsenal), Shanice van de Sanden (Lyon)។
ប្រវត្តិជួបគ្នា២ប្រកួតសម្រាប់គូនេះ
19/09/16United States3-1Netherlands
10/04/13Netherlands1-3United States
ការទស្សន៍ទាយនិងទស្សនៈផ្សេងៗ៖
ទស្សនៈWDW: ស្មើគ្នា ២-១
ទស្សនៈPD: ស្មើគ្នា ១-០
ទស្សនៈAsianB: អាមេរិកអាចឈ្នះ។
សូមបញ្ជាក់ថា ក្រុមជម្រើសជាតិនារីអាមេរិកជាក្រុមដែលជោគជ័យជាងគេក្នុងវិស័យបាល់ទាត់ផ្នែកនារីដោយធ្លាប់គ្រងជើងឯកបាល់ទាត់ពិភពផ្នែកនារីច្រើនជាងគេគឺ៣ដងឆ្នាំ១៩៩១, ១៩៩៩និងឆ្នាំ២០១៥ ធ្លាប់ជាជើងឯករងម្តងនិងធ្លាប់ជាប់ចំណាត់ថ្នាក់លេខ៣ចំនួន៣ដង។​សម្រាប់ឆ្នាំ២០១៩នេះប្រសិនបើអាមេរិកឈ្នះហុល្លង់គឺជាម្ចាស់ជើងឯកទី៤៕ ដោយ៖ ភារៈ