ខេត្ដព្រះសីហនុ៖ ក្មេងស្រីជាសិស្ស សាលា២នាក់ដែលក្នុងជិះម៉ូតូត្រូវរថយន្ដ បើកបុកចំពីមុខបណ្ដាលឱ្យប៉ើងផ្លោង ធ្លាក់ចូលប្រឡាយស្លាប់ម្នាក់យ៉ាងអាណោច អាធ័មនៅកន្លែងកើតហេតុនិងម្នាក់ ទៀតរងរបួសធ្ងន់ ខណៈជិះម៉ូតូត្រឡប់មក ពីចូលរួមដង្ហែសពបងប្អូនទៅទីបញ្ចុះ សពនៅក្នុងឃុំរាម ស្រុកព្រៃនប់ ។
ករណីគ្រោះថ្នាក់ចរាចរណ៍នេះបាន កើតឡើងកាលពីវេលាម៉ោង១០ព្រឹក ថ្ងៃទី២២ ខែធ្នូ ឆ្នាំ២០១៥ នៅលើផ្លូវ ជាតិលេខ៤ជិតតំបន់សេដ្ឋកិច្ចពិសេស បិតត្រាំងត្រង់ចន្លោះគីឡូម៉ែត្រលេខ ២១២-២១៣ ស្ថិតក្នុងភូមិពូធឿង ឃុំ បិតត្រាំង ស្រុកព្រៃនប់ ខេត្ដព្រះសីហនុ ។
ប្រភពពីមន្ដ្រីនគរបាលបានឱ្យដឹងថា រថយន្ដបង្កម៉ាកអេស្កាលេត ពណ៌ខ្មៅ ពាក់ស្លាកលេខភ្នំពេញ 2U-6969 បើក ក្នុងទិសដៅពីភ្នំពេញមកក្រុងព្រះសីហនុ។ ចំណែកម៉ូតូក្មេងស្រីរងគ្រោះម៉ាកស្គូពី ពណ៌ស គ្មានស្លាកលេខ បើកបរដោយ ឈ្មោះ កុយ អេងលី ភេទស្រី អាយុ១៥ឆ្នាំ ស្លាប់នៅកន្លែងកើតហេតុមានទីលំនៅសង្កាត់លេខ៣ ក្រុង-ខេត្ដព្រះសីហនុ និង អ្នករួមដំណើរពីក្រោយម្នាក់ទៀតឈ្មោះកុយ អេងលីន ភេទស្រី អាយុ១៤ឆ្នាំ មុខរបរសិស្សរងរបួសធ្ងន់ត្រូវបញ្ជូន មកសង្គ្រោះបន្ទាន់នៅមន្ទីរពេទ្យបង្អែក ខេត្ដ។ ប៉ុន្ដែដោយស្ថានភាពរបួសធ្ងន់ធ្ងរ ពេកក្មេងស្រីរងគ្រោះត្រូវក្រុមគ្រួសារ បញ្ជូនបន្ដទៅព្យបាលនៅភ្នំពេញ ។
បច្ចុប្បន្នម៉ូតូនិងរថយន្ដបង្កហេតុត្រូវបានសមត្ថកិច្ចអូសយកទៅរក្សាទុកនៅ ការិយាល័យនគរបាលចរាចរណ៍ផ្លូវគោក ខេត្ដដើម្បីដោះស្រាយតាមច្បាប់ខណៈដែល អ្នកបើករថយន្ដគេចខ្លួនបាត់ ៕
ដោយ៖ ឆ្លាមសមុទ្រ
