ភ្នំពេញ៖ ជនបរទេសអន្តោប្រវេសន៍ ចំនួន ១៨នាក់ ភាគច្រើនជាជនជាតិ វៀតណាមត្រូវបានសមត្ថកិច្ចឃាត់ខ្លួនកាលពីវេលាម៉ោង២និង២០នាទីរសៀល ថ្ងៃទី២២ ខែធ្នូ ឆ្នាំ២០១៥ នៅសិប្បកម្មស្លរដែក និងសិប្បកម្មកែច្នៃឈើ ក្នុងភូមិអូរអណ្តូង សង្កាត់ព្រែកប្រា ខណ្ឌច្បារអំពៅ ។
លោកឧត្តមសេនីយ៍ទោ អ៊ុលអាល់ ហៃសីឡា ប្រធាននាយកដ្ឋានស៊ើប អង្កេតនិងអនុវត្តនីតិវិធីនៃអគ្គនាយកដ្ឋានអន្តោប្រវេសន៍បានអោយដឹងថា បន្ទាប់ពីទទួលបានពត៍មាននិងមានការសម្របសម្រួលពីលោកមាស ច័ន្ទពិសិដ្ឋ ព្រះរាជអាជ្ញារងអមសសលា ដំបូងរាជធានីភ្នំពេញ សមត្ថកិច្ចអន្តោ ប្រវេសន៍បានចុះធ្វើការត្រួតពិនិត្យទីតាំសិប្បកម្ម២កន្លែងនៅក្នុងសង្កាត់ព្រែកប្រា រកឃើញជនអន្តោប្រវេសន៍វៀតណាមចំនួន១៨នាក់ ឆ្លងដែន ចូលមកធ្វើការនិង ស្នាក់នៅដោយខុសច្បាប់ក្នុងប្រទេសកម្ពុជា ។ ជនបរទេសអន្តោប្រវេសន៍ទាំង១៨នាក់ នេះនិងត្រូវបញ្ជូនបញ្ជូនទៅកាន់អគ្គនាយកដ្ឋានអន្តោប្រវេសន៍ដើម្បីធ្វើការត្រួតពិនិត្យឯកសារអោយហ្មត់ចក់ បើគ្មានឯកសារគ្រប់ គ្រាន់ស្របតាមច្បាប់អន្តោប្រវេសន៍ទេនោះប្រឈមមុខនិងការបណ្តេញចេញពីប្រទេសកម្ពុជាទៅកាន់ប្រទេសដើមវិញ ។
លោកប្រធាននាយកដ្ឋានបន្តថា មុននិងបណ្តេញចេញសមត្ថកិច្ចអន្តោប្រវេសន៍កម្ពុជាបំពេញឯកសារតាមនីតិវិធីច្បាប់ និងជូនដំណឹងទៅដល់ស្ថាន ទូតរបស់ប្រទេសនោះអោយមកទទួលស្គាល់ជនជាតិរបស់ខ្លួនដែលឆ្លងដែនខុសច្បាប់ ហើយសុំគោលការសម្រេច ពីសម្តេចក្រឡា ហោម ស ខេង ឧបនាយករដ្ឋ និងជា រដ្ឋមន្ត្រីក្រសួង មហាផ្ទៃទើបយើងធ្វើការបណ្តេញចេញ ៕
ដោយ៖ សណ្តោស
