ខេត្តរតនគិរី ៖ យុវជនម្នាក់ត្រូវបក្ខពួកជនពាលមួយក្រុមបានធ្វើសកម្មភាពអារកស្លាប់យ៉ាងអាណោចអាធ័ម នៅម្តុំខ្ទមអ្នកតា តាជួង រួចបានរត់គេចខ្លួនអស់ ខណៈសមត្ថកិច្ចបានត្រឹមស្រាវជ្រាវរកមុខសញ្ញាតាមចាប់ខ្លួនមកផ្តន្ទាទោសតាមច្បាប់ ។
ហេតុការណ៍យុវជនត្រូវគេអា.កសម្លាប់បង្ករការភ្ញាក់ផ្អើលឡើងនៅវេលាម៉ោង៩.០០ នាទីយប់ថ្ងៃអង្គារ៍ ៧ រោច ខែអាសាឍ ឆ្នាំកុរឯកស័ក ពុទ្ធសករាជ ២៥៦៣ត្រូវនឹងថ្ងៃទី២៣ ខែកក្កដា ឆ្នាំ២០១៩នៅ
ចំណុចក្បែរខ្ទមអ្នកតា.(លោកតាជួងបឹងកន្លែង) ស្ថិតក្នុងភូមិទេសអន្លុង សង្កាត់បឹងកន្សែងក្រុងបានលុង ខេត្តរតនគិរី។
ការកាប់សម្លាប់គ្នានេះសមត្ថកិច្ចកំពុងធ្វើការស្រាវជ្រាវរកពីមូលហេតុតាមចាប់ក្រុមឃាតករដែលបានរត់គេចខ្លួនបាត់អស់ហើយមិនទាន់ដឹងថាមានគ្នាប៉ុន្មាននាក់នៅឡើយទេ។
ប្រភពពីសមត្ថកិច្ចថាជនរងគ្រោះមានគ្នាពីរនាក់ហើយម្នាក់រងរបូសស្រាលបានរត់រួចមកព្យាបាលនៅមន្ទីរពេទ្យបង្អែកខេត្តឯម្នាក់ទៀតបានស្លាប់បាត់បង់ជីវិតពេលបញ្ជូនដល់មន្ទីរពេទ្យបង្អែកខេត្ត។
ប្រភពបន្តថាជនរងគ្រោះដែលស្លាប់នោះឈ្មោះអេង រដ្ឋា អាយុ១៨ឆ្នាំរស់នៅភូមិថារងជងឃុំអូរជុំស្រុកអូរជុំខេត្តរតនគិរីជាកូនអភិបាលរងស្រុកអូរជុំទៀតផង។ ឯជនរងគ្រោះម្នាក់ទៀតសមត្ថកិច្ចកំពុងសាកសួរនៅអធិការក្រុងបានលុងនៅមិនទាន់ដឹងអំពីអត្តសញ្ញាណនៅឡើយ។
សមត្ថកិច្ចកំពុងស្រាវជ្រាវកំណត់មុខសញ្ញា ដើម្បីតាមចាប់ខ្លួនជនល្មើសទាំងនោះមកផ្តន្ទាទោសតាមច្បាប់ ៕ដោយ ៖ជីវ័ន្ត
