ភ្នំពេញ៖ ជនសង្ស័យមានគ្នា៣នាក់ ជិះម៉ូតូ២គ្រឿងធ្វើសកម្មភាពផ្ទុះអាវុធ៣គ្រាប់នៅមុខស្ថានីយចាក់ប្រេងតេលាបង្កឲ្យមានការភ្ញាក់ផ្អើល ហើយក្រុមជនសង្ស័យបានបើកម៉ូតូរត់គេចខ្លួនបាត់ស្រមោល ។
ហេតុការណ៍នេះបានកើតឡើងកាលពីវេលាម៉ោង១និង៤៥នាទីរំលងអធ្រាត្រ ឈានចូលថ្ងៃទី៣០ ខែធ្នូុ ឆ្នាំ២០១៥ ស្ថិតនៅតាមបណ្តោយផ្លូវ១៩៨៦ មុខស្ថានីយចាក់ប្រេងតេលា ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
នគរបាលខណ្ឌសែនសុខបានបញ្ជាក់ថា ក្រុមជនសង្ស័យបានមានគ្នា៣នាក់ ជិះម៉ូតូ២គ្រឿងធ្វើសកម្មភាពផ្ទុះអាវុធ៣គ្រាប់ ដោយមិនដឹងពីមូលហេតុ ហើយនាំគ្នាជិះម៉ុតូរត់គេចខ្លួនបាត់អស់ ។ នៅកន្លែងកើតហេតុ សមត្ថកិច្ចរកឃើញសំបកគ្រាប់កាំភ្លើងផងដែរ ។
បច្ចុប្បន្ន សមត្ថកិច្ចកំពុងតាមប្រមាញ់ជនសង្ស័យ ៕
