ខេត្តកណ្ដាល៖ គ្រាប់មិនទាន់ផ្ទុះមួយគ្រាប់ត្រូវបានអ្នកភូមិប្រទះឃើញ ខណៈដែលពួកគាត់បានជួលគ្រឿងចក្រកាយដី យកទៅចាក់ធ្វើផ្ទះកាលពីវេលាម៉ោង១០ និង១០នាទីព្រឹក ថ្ងៃទី៣១ ខែធ្នូ ឆ្នាំ២០១៥ នៅក្នុងភូមិព្រៃធំ ឃុំសន្លុង ស្រុកខ្សាច់កណ្ដាល ។
តាមប្រភពបានឲ្យដឹងថា មុនពេលប្រទះឃើញ ខណៈដែលឈ្មោះជ្រេង ប៊ុនស្រេង បានជួលគ្រឿងចក្រ ទៅកាយដីរបស់គាត់នៅចំណុចខាងលើដើម្បីយកមកចាក់ធ្វើផ្ទះ ស្រាប់តែប្រទះឃើញគ្រាប់មិនទាន់ផ្ទុះមួយគ្រាប់ប្រភេទ១០៥មីលីម៉ែត្រ ផ្អើលព្រលឹងចុងសក់ម្នាក់ៗ។ ពេលនោះឈ្មោះប៊ុនស្រេង ក៏បានរាយការណ៍ទៅកាន់អាជ្ញាធរមូលដ្ឋានឲ្យជួយអន្ដរាគមន៍ ។
ក្រោយពីចុះពិនិត្យយុទ្ធភ័ណ្ឌខាងលើហើយ អាជ្ញាធរក៏បានរាយការណ៍ដល់ស៊ីម៉ាក់ឲ្យចុះយកគ្រាប់ទៅទៅកម្ទេចចោល ៕
...
ដោយ៖ ស្អាងជ័យ
