ខេត្តក្រចេះ៖ សត្វផ្សោតញីមួយក្បាលបានជាប់មងអ្នកនេសាទបណ្តាលអោយងាប់ គួរសោកស្តាយណាស់បាត់បង់ធនធានត្រីប្រភេទដ៏ក្រមមួយនេះ ។
អ្នកនេសាទរាយការណ៍ប្រាប់សមត្ថកិច្ចមកថា បានឃើញងាប់ក្នុងទឹកនៃផ្នែកអន្លង់ព្រះសង្ឃ ស្ថិតក្នុងភូមិសំបុក ឃុំសំបុក ស្រុកចិត្របុរី ខេត្តក្រចេះ នៅថ្ងៃទី១២ ខែវិច្ឆិកា ឆ្នាំ២០១៩ម្សិលមិញ ។
មន្ត្រីផ្នែកកោសល្យវិច័យអង្គការ WWF អះអាងថា បន្ទាប់ពីបានពិនិត្យឃើញថា នេះជាសត្វផ្សោតញី មានទម្ងន់ ១១០ គីឡូក្រាម និងប្រវែង២២៧សង់ទីម៉ែត្រ ។ មន្ត្រីថា ងាប់ដោយសារជាប់ការរាយមងរបស់អ្នកនេសាទ ។
មន្ត្រីបញ្ជាក់ថា សត្វផ្សោតមានតែរស់នៅទន្លេមេគង្គក្នុងខេត្តក្រចេះ និងស្ទឹងត្រែង ហេីយបានកំពុងគំរាមកំហែងពីឧបករណ៍អ្នកនេសាទដែលបានលួចរាយក្នុងតំបន់ហាមឃាត់ ៕ ដោយ ៖ ជាយក្រុង
...
