ប៉ោយប៉ែត ៖ រថយន្តដឹកពលករខ្មែរធ្វើការបេះផ្លែមៀនជួបគ្រោះថ្នាក់ចរាចរណ៍បុកគ្នាបណ្តាលអោយពលករ ១៥នាក់ រងរបួស ក្នុងនោះមានកុមារចំនួន ០៣នាក់ ។
យោងតាមរបាយការណ៍បឋមពីភ្នាក់ងារសង្គ្រោះវ៉ាងណាមយ៉េន ខេត្តស្រះកែវ ប្រទេសថៃ បានអោយដឹងថា កាលពីវេលាម៉ោង ០៩:៤៥នាទីយប់ ថ្ងៃអាទិត្យ ទី២៤ ខែវិច្ឆិកា ឆ្នាំ២០១៩ មានករណីគ្រោះថ្នាក់ចរាចរណ៍រវាងរថយន្តដឹកពលករធ្វើការបេះផ្លែមៀននិងរថយន្ត ម៉ាកToyota Hilux Revo ពណ៌ស ពាក់ស្លាកលេខ (កថ៥៨១៨)ខេត្តរ៉យអេត បានជ្រុលចង្កូតទៅបុកមួយនិងរថយន្តម៉ាក izuzu ពណ៌ សំបកឱឡឹក ដែលកំពុងធ្វើដំណើរប្រច្រាសទិសគ្នា នៅត្រង់ចំណុចផ្លូវជាតិវ៉ាងណាមយ៉េន-បំបែកសួនប៉ា ស្ថិតនៅក្នុងស្រុកវ៉ាងណាមយ៉េន ខេត្តស្រះកែវ ប្រទេសថៃ
ប្រភពបឋមពីកន្លែងកើតហេតុបានឲ្យដឹងថា ករណីនេះមានពលករខ្មែររងរបួសចំនួន ១៥នាក់ ក្នុងនោះមានកុមាររងរបួសចំនួន ០៣នាក់ផងដែរ ។
ក្រោយពេលកេីតហេតុជនរងគ្រោះត្រូវភ្នាក់ងារសង្គ្រោះបញ្ជូនយកនៅសង្គ្រោះនៅមន្ទីរពេទ្យវ៉ាងណាមយ៉េន ចំនួន០៦នាក់ និងមន្ទីរពេទ្យខៅឆាក់កាន់ ចំនួន ០៩នាក់។
យ៉ាងណាចំពោះពលករខ្មែរដែលរងគ្រោះក្នុងករណីគ្រោះថ្នាក់ចរាចរណ៏នៅមិនទាន់ស្គាល់អត្តសញ្ញាណរស់នៅក្នុងភូមិស្រុកណាដោយគ្រាន់តែដឹងថាគ្រោះថ្នាក់ចរាចរណ៌ប្រុសស្រី១៥នាក់និងកុមារ៣នាក់រងរបួស តែប៉ុណ្ណោះ។
បញ្ហាពលករខ្មែរជិៈរថយន្តបេះផ្លែមៀនជួបគ្រោះថ្នាក់ចរាចរណ៌នោះលោកហ៊ុន សារឿន កុងសុលប្រចាំខេត្តស្រះកែវបានមានប្រសាសន៌តាមទូរសព្ទព្រឹកថ្ងៃទី២៥ខែឆ្នាំដដែលថាលោកមិនទានហ៊ានបញ្ជាក់នៅឡើយទេ ព្រោះសហការរីលោកកំពុងតែធ្វើការចាំរសៀលថ្ងៃដដែលនេះលោកនិងផ្ថល់ជូនព័ត៌មានខាងលើនេះ ៕ វណ្ណា
