ខេត្តកំពង់ស្ពឺ ៖ ចាប់ពីម៉ោង១០:០០នាទីព្រឹក ដល់ម៉ោង ១៧:០០នាទីរសៀល ថ្ងៃព្រហស្បតិ៍្តស្អែកនេះ ចរាចរណ៍នៅត្រង់ចំណុចចំណតរថយន្តផ្សារកំពង់ស្ពឺ តម្រូវឲ្យបញ្ចៀសទៅកាន់ផ្លូវផ្សេងៗ ដោយហេតុថា មានការបើកការដ្ឋានរៀបចំតម្លើង និង បំពាក់ធ្នឹមស្ពាន អាកាសអ្នកដំណើរថ្មើរជើង (SKY WALK) ។ នេះបេីយោងតាមរដ្ឋបាលខេត្តកំពង់ស្ពឺប្រកាសជូនជូនដំណឹងដែល អង្គភាពនគរដ្រេហ្គនទទួលនៅថ្ងៃទី២៧ ខែវិច្ឆិកា ឆ្នាំ២០១៩នេះ ។
ទីតាំងដែលជាចំណុចតម្រូវអោយបញ្ចៀសចរាចរណ៍ត្រង់ចំណុចចំណតរថយន្តផ្សារកំពង់ស្ពឺ ស្ថិតក្នុងភូមិក្រាំង ពលទេព និង ភូមិពាណិជ្ជកម្ម សង្កាត់រកាធំ ក្រុងច្បារមន ខេត្តកំពង់ស្ពឺ។
សេចក្តីប្រកាសជូនដំណឹងបានបញ្ជាក់ ទៀតថា ប្រជាពលរដ្ឋ និងសាធារណៈជនដែលជាម្ចាស់រថយន្តដឹកទំនិញគ្រប់ប្រភេទ និង ម្ចាស់រថយន្តដឹកអ្នកដំណើរដែលធ្វើចរាចរណ៍ចេញ-ចូលឆ្លងកាត់ត្រង់ចំនុចខាងលើនេះ សូមបញ្ចៀសចរាចរណ៍តាមផ្លូវដូចខាងក្រោម ៖
១-ចំពោះរថយន្តដឹកទំនិញគ្រប់ប្រភេទដែលធ្វើដំណើរពីរាជធានីភ្នំពេញ និង ខេត្តព្រះសីហនុ តាមបណ្តោយផ្លូវជាតិលេខ៤ សូមបញ្ចៀសទៅកាន់ផ្លូវជាតិ លេខ៣។
២-ចំពោះរថយន្តទេសចរណ៍គ្រប់ប្រភេទ សូមបញ្ចៀសទៅតាមច្រក កណ្តោលដុំ (ផ្លូវលេខ១០៤និង១០៥) និង តាមផ្លូវបំបែកត្រង់ចំនុចភ្លើងស្តុបមន្ទីរ សាធារណៈការ និងដឹកជញ្ជូនខេត្ត និងត្រង់ចំនុចភ្លើងស្តុបផ្លូវបំបែកច្បារមន។
សេចក្តីជូនដំណឹងនេះ សូមបងប្អូនប្រជាពលរដ្ឋ និងសាធារណៈជន ទាំងអស់ជ្រាបជាព័ត៌មាន និងអធ្យាស្រ័យ ៕ ដោយ ៖ ជាយក្រុង
