ភ្នំពេញ ៖ កម្លាំងកងរាជអាវុធហត្ថខណ្ឌពោធិ៍សែនជ័យ សហការជាមួយសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ ឃាត់ខ្លួនបុរសស្បែកខ្មៅ ជនជាតិនីហ្សេរីយ៉ា ០១នាក់ ឈ្មោះ FRANK UBALE អាយុ ៥០ឆ្នាំ រួមនិងគ្រឿងញៀន ជាច្រើនប្រភេទ ៖ ក្រាមពណ៍សថ្លា ១៨ កញ្ចប់ ស្មើ ២៩០០.២ក្រាម ,ម្សៅពណ៍ស ០៧កញ្ចប់ ស្មើ៤១.១១ក្រាម ,ថ្នាំគ្រាប់ចំរុះពណ៍ ៩៨គ្រាប់ ស្មើ៥០.៩៣ ក្រាម) ។
ជននេះ បានសារភាពថា គ្រឿងញៀនទាំងអស់ ជារបស់រូបគេ ពិតប្រាកដមែន ទុកសម្រាប់ជួយដូរ ចែក ចាយ ក្នុងភូមិសាស្រ្តរាជធានីភ្នំពេញ ហើយរូបគេ ក៏មានបក្សពួកជាជាតិ នីហ្សេរីយ៉ា ដូចគ្នា ០២នាក់ទៀត ដែលរកស៊ីជួញដូរគ្រឿងញៀន ជាមួយគ្នា នឹងកំពុងត្រូវបានសមត្ថកិច្ចអាវុធហត្ថរាជធានីភ្នំពេញ ស្រាវជ្រាវឃាត់ខ្លួនជាបន្តបន្ទាប់ទៀត ។
បច្ចុបន្ប ជនសង្ស័យ ខាងលើ ត្រូវបានសមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងបន្តធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់។
គួរបញ្ជាក់ថា ជននេះត្រូវឃាត់ខ្លួនកាលពីវេលាម៉ោង ១៨៖៥០នាទី ថ្ងៃទី១៦ ខែធ្នូ ឆ្នាំ២០១៩ នៅចំណុចលើផ្លូវបេតុងលេខ១៩ និងបន្ទប់ជួលលេខ០៩ ជាន់ទី១ ភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ៕ ដោយ ៖ ស សម
