ភ្នំពេញ ៖ ក្រុមការងារក្រសួងធនធានទឹក និងឧតុនិយមបានព្យាករថា តំបន់ជួរភ្នំដងរែក និងខ្ពង់រាបឦសាន តំបន់វាលទំនាបកណ្តាលតំបន់មាត់សមុទ្រ នឹងចុះត្រជាក់ក្នុងកម្រិតធម្យម ដោយសារតែជ្រលងសម្ពាធខ្ពស់ ជាមួយនិងខ្យល់មូសុងឦសានមធ្យមបក់គ្របដណ្តប់លើកម្ពុជា ។

ក្រុមការងារក្រសួងធនធានទឹកបានចេញសេចក្តីជូនដំណឹងតាមរយៈការព្យាករកឃើញថាអាកាសធាតុចាប់ពីថ្ងៃទី ០១ ដល់ថ្ងៃទី០៧ ខែមករា ឆ្នាំ២០២០ នឹងធ្វើឲ្យតំបន់មួយចំនួនដូចជា តំបន់ជួរភ្នំដងរែក និងខ្ពង់រាបឦសាន ៖  សីតុណ្ហភាពអប្បបរមា មានពី២០-២២ °Cនិង សីតុណ្ហភាពអតិបរមា មានពី ២៨-៣១ °C ,  តំបន់វាលទំនាបកណ្តាល  សីតុណ្ហភាពអប្បបរមា មានពី ២២-២៤ °c និង សីតុណ្ហភាពអតិបរមា មានពី ៣០-៣២ °C , តំបន់ មាត់សមុទ្រ  សីតុណ្ហភាពអប្បបរមា មានពី២៤-២៦ °c និង សីតុណ្ហភាពអតិបរមា មានពី ២៨-៣០°c ៕