ខេត្តកំពង់ស្ពឺ ៖ យ៉ាងហោចណាស់ មនុស្ស៨នាក់បានស្លាប់ និង៩នាក់ទៀត រងរបួសធ្ងនស្រាលក្នុងឧបទ្ទវហេតុគ្រោះថ្នាក់ចរាចរណ៍ដ៏រន្ធត់មួយនៅតាមបណ្តោយផ្លូវលេខ៤១។ ក្រោយកើតហេតុសមត្ថកិច្ច បានបញ្ជូនអ្នករងរបួសធ្ងន់ទៅកាន់មន្ទីរ ពេទ្យ ចំណែកអ្នកស្លាប់បានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។
ករណីគ្រោះថ្នាក់នេះបានកើតឡើង កាលពីថ្ងៃអង្គារ ៦កើត ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៣១ ខែធ្នូ ឆ្នាំ ២០១៩ វេលាម៉ោង១១និង៤០នាទីយប់ ខណៈរថយន្ត២គ្រឿងបុកគ្នាយ៉ាងពេញទំហឹង ពេលធ្វើដំណើរបញ្ច្រាសទិសគ្នាលើផ្លូវជាតិលេខ៤១ ចន្លោះគីឡូម៉ែត្រលេខ ២៧-២៨ ភូមិអណ្តូងច្រោះ ឃុំស្នំក្រពើ ស្រុកគងពិសី ខេត្តកំពង់ស្ពឺ។
ប្រភពពីកន្លែងកើតហេតុបានឲ្យដឹងថា គ្រោះថ្នាក់នេះបង្កដោយរថយន្តម៉ាកសាំយ៉ុង ពណ៌ខៀវ ពាក់ស្លាក លេខភ្នំពេញ 2AF-25 06 បើកបរដោយឈ្មោះ ហួន វណ្ណី ភេទ ប្រុស អាយុ៣៩ឆ្នាំ នៅភូមិត្នោត ឃុំទួល សាលា ស្រុកបរសេដ្ឋ ខេត្តកំពង់ស្ពឺ(ស្លាប់) បើកបរមកពីទិសខាងជើង ទៅទិសខាងត្បូង។ លុះមកដល់ចំណុចខាងលើបានជែង រថយន្តមួយគ្រឿងដែលបើកស្របទិសគ្នាក៏បុកជាមួយរថយន្តម៉ាកហ៊ីណូ ពណ៌ស ពាក់ស្លាកលេខភ្នំពេញ 3A-58 49អ្នកបើកបរមិនស្គាល់អត្តសញ្ញាណ (ក្រោយកើតហេតុបានរត់គេចខ្លួនបាត់)បើកបរមកពី ទិសខាងត្បូងទៅទិសខាងជើង។
ប្រភពដដែលបន្តថា ហេតុការណ៍នេះ បណ្ដាលឱ្យ ស្លាប់មនុស្ស៨នាក់ ស្រី៥នាក់
១-ឈ្មោះហួន វណ្ណី អ្នកបើកបររថយន្ត ស្លាប់
២-ឈ្មោះកែម ហៀង ភេទស្រី អាយុ៦៤ឆ្នាំ រស់នៅភូមិត្រពាំងប្លុង ឃុំភារីមានជ័យ ស្រុកបរសេដ្ឋ ខេត្តកំពង់ស្ពឺ(ស្លាប់)
៣-ឈ្មោះសៀង អឿន ភេទស្រី អាយុ២៧ឆ្នាំ រស់នៅភូមិ-ឃុំស្វាយចច្រឹប ស្រុកបរសេដ្ឋ ខេត្តកំពង់ស្ពឺ(ស្លាប់ពោះធំ)
៤-ឈ្មោះស្រីនិច្ច ភេទស្រី អាយុ៤ឆ្នាំ(ស្លាប់)ត្រូវជាកូនរបស់ឈ្មោះសៀង អឿន
៥-ឈ្មោះស៊ឹម សុភ័ណ្ឌ ភេទស្រី អាយុ២៥ឆ្នាំ រស់នៅភូមិតាប្រឹម ឃុំសំបួរ ស្រុកទ្រាំង ខេត្តតាកែវ(ស្លាប់)
៦-ឈ្មោះគឹម ហុង ភេទប្រុស អាយុ២៥ឆ្នាំ រស់នៅភូមិតាប្រឹម ឃុំសំបួរ ស្រុកទ្រាំង ខេត្តតាកែវ(ស្លាប់)
៧-ឈ្មោះប្រាក់ សុមន ភេទស្រី អាយុ២៦ឆ្នាំ រស់នៅភូមិគោកឈើទាល ឃុំទួលសាលា ស្រុកបរសេដ្ឋ ខេត្តកំពង់ស្ពឺ(ស្លាប់)
៨-ឈ្មោះផាន រត្ន ភេទប្រុស អាយុ៤១ឆ្នាំ រស់នៅភូមិគោកឈើទាល ឃុំទួលសាលា ស្រុកបរសេដ្ឋ ខេត្តកំពង់ស្ពឺ(ស្លាប់)។
រីឯអ្នករងរបួសធ្ងន់ ៩នាក់ ក្នុងនោះមានស្រី១នាក់៖
១-ឈ្មោះសៅ គឿនភេទប្រុស អាយុ២០ឆ្នាំ រស់នៅភូមិឃ្លោក ឃុំព្រះខែ ស្រុកបរសេដ្ឋ ខេត្តកំពង់ស្ពឺ(របួសធ្ងន់)
២-ឈ្មោះជឹន សុខរ៉ាន់ ភេទប្រុស អាយុ២៧ឆ្នាំ រស់នៅភូមិឃ្លោក ឃុំព្រះខែ ស្រុកបរសេដ្ឋ ខេត្តកំពង់ស្ពឺ(របួសធ្ងន់)
៣-ឈ្មោះលៀង សុខដែន ភេទប្រុស អាយុ១៩ឆ្នាំ រស់នៅភូមិឃ្លោក ឃុំព្រះខែ ស្រុកបរសេដ្ឋ ខេត្តកំពង់ស្ពឺ(របួសធ្ងន់)
៤-ឈ្មោះសយ សុភាន់ ភេទ អាយុ២០ឆ្នាំ រស់នៅភូមិឃ្លោក ឃុំព្រះខែ ស្រុកបរសេដ្ឋ ខេត្តកំពង់ស្ពឺ(របួសធ្ងន់)
៥-ឈ្មោះសាន់ ប៊ុនលី ភេទប្រុស អាយុ៣០ឆ្នាំ រស់នៅភូមិត្រពាំងផ្លុង ស្រុកបរសេដ្ឋ ខេត្តកំពង់ស្ពឺ(របួសធ្ងន់)
៦-ឈ្មោះឡេង បូរី ភេទប្រុស អាយុ២០ឆ្នាំ រស់នៅភូមិខ្ពបវែង ឃុំបរសេដ្ឋ ស្រុកបរសេដ្ឋ ខេត្តកំពង់ស្ពឺ(របួសធ្ងន់)
៧-ឈ្មោះប៉ោ ដាវី ភេទស្រី អាយុ២៥ឆ្នាំ រស់នៅភូមិផ្ទះព្រៃ ឃុំត្នោតទ្រេត ស្រុកពោធិ៍សាត់ ខេត្តពោធិ៍សាត់(របួសធ្ងន់)
៨-ឈ្មោះដាវី ភេទប្រុស អាយុ៤ឆ្នាំ របួសធ្ងន់ ជាកូនរបស់ឈ្មោះប៉ោដាវី
៩-ឈ្មោះ ឆេន ភេទប្រុស អាយុ៣ឆ្នាំ រស់នៅភូមិកោះឈើទាល ឃុំទួលសាលា ស្រុកបរសេដ្ឋ ខេត្តកំពង់ស្ពឺ(របួសធ្ងន់)។
សពត្រូវបានប្រគល់ជូនក្រុមគ្រួសារយកទៅធ្វើបុណ្យអស់ហើយ។ រីឯវត្ថុតាងរថយន្ត ទាំង២គ្រឿងសមត្ថកិច្ចបានយកមករក្សាទុកនៅអធិការដ្ឋាននគរបាល ស្រុកគងពិសី រង់ចាំដោះស្រាយតាមច្បាប់ពេលក្រោយ៕
សេនាស័ក្តិ
