ភ្នំពេញ​៖​ ជនសង្ស័យម្នាក់ត្រូវបាននគរបាលធ្វេីការឃាត់ខ្លួនបន្ទាប់ពីធ្វេីសកម្មភាពចាប់រំលោភនារីក្រមុំម្នាក់ដែលពិការភាពថែមទាំងមានសតិមិនប្រក្រតីទៀត​ កាលពីវេលាម៉ោង៩ព្រឹកថ្ងៃទី៤ ខែមករា ឆ្នាំ២០២០​ ភូមិប្រាសាទ​ សង្កាត់ស្នោរ ខណ្ឌកំបូល​ រាជធានី​ភ្នំពេញ​ ។

ជនសង្ស័យឈ្មោះ ធឹម រ៉ុម ភេទ​ប្រុស​ អាយុ​៣៨ឆ្នាំ ទីលំនៅភូមិទទា ឃុំរាយប៉ាយ ស្រុកកងមាស ខេត្តកំពង់ចាម​ ។

ជនរងគ្រោះឈ្មោះ​ អ ដ ល ភេទស្រី​ អាយុ​១៩ឆ្នាំ​ (ពិការ​ភាព និងមានសតិមិនប្រក្រតី)​ មានទីលំនៅភូមិប្រាសាទ​ សង្កាត់ស្នោរ ខណ្ឌកំបូល​ រាជធានី​ភ្នំពេញ។

ជនសង្ស័យខាងលើត្រូវបានកម្លាំងជំនាញ នៃអធិការដ្ឋាននគរបាលខណ្ឌកំបូល កំពុងកសាងសំណុំរឿងបញ្ជូនទៅសាលាដំបូង​រាជធានី​ភ្នំពេញ​ចាត់ការតាមនីតិវិធីច្បាប់៕សុខាសែនជ័យ​