ក្របខណ្ឌ Premier League បានប្រកាសថា ក្លិបរបស់ខ្លួននឹងពិគ្រោះយោបល់ ជាមួយកីឡាកររបស់ពួកគេ លើការស្នើសុំកាត់បន្ថយប្រាក់ឈ្នួល៣០ភាគរយ ហើយរដូវកាលដែលផ្អាកនេះនឹងចាប់ផ្តើមឡើងវិញ នៅពេលដែលវាមានសុវត្ថិភាព និងសមរម្យយោងតាមការចេញផ្សាយ ពីគេហទំព័រជប៉ុនធូដេ។

សេចក្តីថ្លែងការណ៍បានបន្ថែមថា ទោះយ៉ាងណារាល់ការវិលត្រឡប់ទៅលេងវិញ គឺមានតែការគាំទ្រពីរដ្ឋាភិបាល ហើយនៅពេលដែលការណែនាំ វេជ្ជសាស្រ្តអនុញ្ញាត។ ដោយមានក្លិបនៅលីកទាបប្រឈមនឹងវិបត្តិលំហូរសាច់ប្រាក់ ដោយសារតែការផ្ទុះឡើង នៃមេរោគកូរ៉ូណា ក្រុមកំពូលៗបានបោះឆ្នោត ដើម្បីបង្កើនប្រាក់ចំនួន ១២៥ លានផោន(១៥៣,១៣ លានដុល្លារអាមេរិក) ដល់ក្រុមបាល់ទាត់ (EFL) និងសម្ព័ន្ធជាតិ។

លីកកំពូលអង់គ្លេសមួយនេះបានទទួលយកគោលដៅ មុននៃការវិលត្រឡប់ទៅរកសកម្មភាពនៅដើមខែឧសភា នឹងមិនកើតឡើងទេហើយបាននិយាយថា វាកំពុងរក្សាកាលបរិច្ឆេទ ចាប់ផ្តើមឡើងវិញក្រោម“ការពិនិត្យឡើងវិញឥតឈប់ឈរ” ។ ខណៈមានការរំពឹងទុកអំពីការកាត់បន្ថយរដូវកាល ឬបោះបង់ចោលយុទ្ធនាការនេះ លីគបាននិយាយថា គោលបំណងនៅតែធ្វើឲ្យចប់ការប្រកួតលីគក្នុងស្រុក និងការប្រកួតដែលនៅសល់។

សូមបញ្ជាក់ថា EFL មានក្លិបអាជីពចំនួន ៧២ នៅក្នុងផ្នែកទាំង៣ ក្រោមក្របខណ្ឌ Premier League បាននិយាយថា សាច់ប្រាក់ដែលពួកគេនឹងទទួលបានពីជើងហោះហើរកំពូលរួមមានការបង់ប្រាក់មុនពេលបង់លុយឆ័ត្រយោង និងជំនួយបណ្ឌិត្យសភា៕