បុគ្គលិកឆ្នើមប្រចាំខែរបស់ណាហ្គាវើលចូលរួមក្នុងកម្មវិធី “ស្រុកកំណើត”

ចែករំលែក៖

ខេត្តកំពង់ស្ពឺ៖ ណាហ្គាវើលបេះដូងសប្បុរស បានផ្តួចផ្តើមបង្កើតកម្មវិធីជាច្រើនសម្រាប់បុគ្គលិកឆ្នើមប្រចាំខែរបស់ណាហ្គាវើល បានទៅស្រុកកំណើតរបស់ពួកគេរៀងៗខ្លួន ដើម្បីចូលរួមចំណែកក្នុងការអភិវឌ្ឍន៍វិស័យអប់រំនៅទីនោះ។ នៅថ្ងៃទី ៩ខែ មករា ឆ្នាំ ២០១៦ ណាហ្គាវើលបេះដូងសប្បុរស ដែលដឹកនាំដោយ លោកJames Ma នាយកផ្នែកទំនាក់ទំនងបុគ្គលិក និងការងារសង្គមណាហ្គាវើល បាននាំយកនូវសម្ភារសិក្សាមួយចំនួនធំទៅចែកជូនដល់សិស្សានុសិស្សនៅសាលាបឋមសិក្សាទឹកស្អុយ សាលាបឋមសិក្សាគីរីសុខុម និងសាលាបឋមសិក្សាពាមឃ្លៃ ក្នុងស្រុក សំរោងទង ខេត្ត កំពង់ស្ពឺ។

sew

លោក James Ma បានមានប្រសាសន៍ថា “កម្មវិធីឈ្មោះថា “ស្រុកកំណើត” នេះ ត្រូវបានផ្តួចផ្តើមបង្កើតឡើងនៅដើមឆ្នាំនេះ។ តាមរយៈកម្មវិធីនេះ បុគ្គលិកឆ្នើមប្រចាំខែរបស់យើង នឹងត្រឡប់ទៅស្រុកកំណើតរបស់ពួកគេដើម្បីចែករំលែកនូវភាពជោគជ័យរបស់ខ្លួនជាមួយនឹងកុមារៗនៅទីនោះ។ ការចងចាំថាខ្លួនចេញមកពីកន្លែងណា គឺជាវប្បធម៌របស់ពួកយើង ជាពិសេសនៅពេលដែលអ្នកទទួលបានជោគជ័យក្នុងឆាកជីវិតរបស់អ្នក”។

លោក ងិន សេង នាយកសាលាបឋមសិក្សាទឹកស្អុយ បានមានប្រសាសន៍ថា “មានតែក្រុមហ៊ុនណាហ្គាវើលមួយប៉ុណ្ណោះដែលបានមកទីនេះ និងបាននាំយកនូវសេចក្តីសង្ឃឹមសម្រាប់ពួកយើង។ យើងខ្ញុំសូមថ្លែងអំណរគុណដល់ណាហ្គាវើលដែលតែងតែបានឧបត្ថម្ភសម្ភារសិក្សាដល់សិស្សសាលាយើងខ្ញុំ។ ណាហ្គាវើល គឺជាក្រុមហ៊ុនទីមួយដែលបានផ្តួចផ្តើមបង្កើតកម្មវិធីប្រឡងប្រកបពាក្យភាសាអង់គ្លេស ដើម្បីជំរុញលើកទឹកចិត្តសិស្សានុសិស្សឲ្យរៀនភាសាអង់គ្លេស។ លើសពីនេះទៅទៀត ណាហ្គាវើលបានផ្តល់ឱកាសសម្រាប់បុគ្គលិករបស់ខ្លួនបានចូលរួមចំណែកអភិវឌ្ឍសហគមន៍ដែលជាស្រុកកំណើតរបស់ពួកគេរៀងៗខ្លួនទៀតផង។យើងខ្ញុំមានមោទនភាពចំពោះពួកគេ។ យើងខ្ញុំពុំមានពាក្យពេចន៍អ្វីនោះទេក្រៅពីសូមថ្លែងអំណរគុណយ៉ាងស្មោះចំពោះក្រុមហ៊ុនណាហ្គាវើល”។

លោក សុធី នាយកសាលាបឋមសិក្សាពាមឃ្លៃ បានមានប្រសាសន៍ថា “ណាហ្គាវើលមិនត្រឹមតែបានចែកសម្ភារសិក្សាជាច្រើនដល់សិស្សានុសិស្សរបស់យើងខ្ញុំប៉ុណ្ណោះនោះទេ ថែមទាំងបានសាងសង់ឡើងវិញនូវបន្ទប់ថ្នាក់រៀនមួយបន្ទប់សម្រាប់សិស្សរបស់យើងខ្ញុំទៀតផង។ សិស្សានុសិស្ស លោកគ្រូអ្នកគ្រូ និងសហគមន៍មានសេចក្តីរំភើបយ៉ាងក្រៃលែងនូវអ្វីដែលណាហ្គាវើលបានធ្វើសម្រាប់សហគមន៍របស់យើងខ្ញុំ។ ខ្ញុំគិតថា ណាហ្គាវើលគឺជាក្រុមហ៊ុនដំបូងគេដែលផ្តល់នូវឱកាសសម្រាប់បុគ្គលិករបស់ខ្លួន ដើម្បីទៅស្រុកកំណើតរបស់ពួកគេចូលរួមក្នុងបុព្វហេតុសហគមន៍។ កម្មវិធី “ស្រុកកំណើត” គឺជាកម្មវិធីដ៏អស្ចារ្យមួយ ហើយវាក៏ជាវប្បធម៌របស់យើងផងដែរគឺមិនឲ្យភ្លេចកំណើតរបស់ខ្លួនឡើយ។ យើងខ្ញុំសូមសំដែងនូវការដឹងគុណយ៉ាងជ្រាលជ្រៅបំផុតចំពោះណាហ្គាវើលសម្រាប់កិច្ចខិតខំប្រឹងប្រែងក្នុងការជួយដល់យើងខ្ញុំ។ យើងអាចនិយាយបានថា ណាហ្គាវើល គឺជាក្រុមហ៊ុនឈានមុខគេដែលយកចិត្តទុកដាក់អំពីការអភិវឌ្ឍន៍ធនធានមនុស្សនៅកម្ពុជា”។

លោក អឹម អាង ដែលជាបុគ្គលិកឆ្នើមម្នាក់ប្រចាំខែ កុម្ភៈ ឆ្នាំ ២០១៥ និងដែលបានចូលរួមក្នុងកម្មវិធីនេះបានមានប្រសាសន៍ថា “យើងខ្ញុំសប្បាយរីករាយណាស់ដែលបានចូលរួមក្នុងកម្មវិធីនេះ។ សូមអរគុណដល់ណាហ្គាវើលបេះដូងសប្បុរសសម្រាប់ការផ្តួចផ្តើមកម្មវិធីនេះឡើង ដែលអាចឲ្យយើងខ្ញុំ បានចែករំលែក និងចូលរួមចំណែកក្នុងសហគមន៍របស់យើង។ កម្មវិធី “ស្រុកកំណើត” នេះ គឺជាកម្មវិធីដ៏ល្អប្រសើរមួយសម្រាប់ពួកយើង។ យើងគួរតែដឹងគុណដល់ស្រុកកំណើតរបស់យើង ពីព្រោះវាជាកន្លែងដែលយើងកើត និងជាកន្លែងដែលធ្វើឲ្យយើងចងចាំនូវអនុស្សវរីយ៍ពីកុមារភាពរបស់យើង”៕

sew (1)