ភ្នំពេញ៖ បុរសម្នាក់បានស្លាប់ភ្លាមៗនៅកន្លែងកើតហេតុ ខណៈរួបគាត់ជិះម៉ូតូម៉ាកហុងដា សេ១២៥ ហើយត្រូវបានម៉ូតូសណ្តោងរ៉ឺម៉កកង់បីបើកបញ្ច្រាសទិសខុសច្បាប់ ចរាចរណ៍ក្នុងល្បឿនលឿនជ្រុលបុកចំពីមុខពេញទំហឹង ហើយជិះរត់គេចបាត់ ។
ហេតុការណ៍នេះបានកើតឡើងកាលពីវេលាម៉ោង៩និង៥០នាទីយប់ ថ្ងៃទី១២ ខែមករា ឆ្នាំ២០១៦ នៅចំណុចមុខផ្ទះ លេខ៤០Eo តាមបណ្តោយផ្លូវលេខ៦៣ ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ។
ជនរងគ្រោះត្រូវបានគេស្គាល់ឈ្មោះសេង សុផល ភេទប្រុស អាយុ៤៥ឆ្នាំ មុខរបរត់ម៉ូតូឌុប ស្នាក់នៅសង្កាត់បឹងរាំង ខណ្ឌដូនពេញ មានស្រុកកំណើតខេត្តព្រៃវែង ។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុ គេបានឃើញជនរងគ្រោះជិះម៉ូតូម៉ាកឌ្រឹម សង់សេរីឆ្នាំ២០១២ ពណ៌ក្រហម ពាក់ស្លាកលេខ ភ្នំពេញ 1BL 3696 ធ្វើដំណើរតាមបណ្តោយផ្លូវលេខ៦៣ ក្នុងទិសដៅពីត្បូងទៅជើង ក្នុងល្បឿនលឿនល្មម ខណៈមកដល់ចំណុចកើតហេតុ ស្រាប់តែមានម៉ូតូសណ្តោងរ៉ឺម៉កកង់បី មួយគ្រឿងមិនចាំស្លាកលេខធ្វើដំណើរបញ្ច្រាស់ទិសចរាចរណ៍ក្នុងល្បឿនលឿនក៏ជ្រុលបុកម៉ូតូជនរងគ្រោះចំពីមុខពេញទំហឹងបណ្តាលអោយម្ចាស់ម៉ូតូដួលបោកក្បាលស្លាប់ភ្លាមៗនៅកន្លែងកើតហេតុ។
សាក្សីដដែលបានបន្តថា បន្ទាប់ពីបុកម៉ូតូរួច រ៉ឺម៉កកង់បីក៏បន្តដំណើរជិះគេចខ្លួនបាត់ស្រមោលតែម្តង ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ចំណុចកើតហេតុ និងទំនាក់ទំនងទៅក្រុមគ្រួសារមកទទួលយកទៅធ្វើបុណ្យតាមប្រពៃណី ចំណែកម៉ូតូត្រូវសមត្ថកិច្ចវាស់វែងយកទៅរក្សាទុកបណ្តោះអាសន្ននៅប៉ុស្តិ៍នគរបាលរដ្ឋបាល បឹងរាំងរង់ចាំអោយក្រុមសាប់ញាតិមកយក ៕
ដោយ៖ ព្រែកជ័យ
