ខេត្តប៉ៃលិន ៖ បុរសជាកសិកររងគ្រោះ ម្នាក់ត្រូវត្រាក់ទ័រសង្កត់បណ្តាលអោយ ស្លាប់នៅភូមិអូរច្រាលិច សង្កាត់បរយ៉ាខា ក្រុងប៉ៃលិន ខេត្តប៉ៃលិន ខណៈបេីកបរទៅភ្ជួរស្រែ ។
នគរបាលក្រុងប៉ៃលិនបានឲ្យដឹងថា ករណីបុរសបើកបរត្រាក់ទ័រក្រឡាប់កើតឡើងនៅវេលា ម៉ោងប្រមាណជាង១០.០០នាទីព្រឹក ថ្ងៃទី១៨ ខែមេសា ឆ្នាំ២០២០ ។ បុរសជនរងគ្រោះឈ្មោះលាង ហេង ភេទ ប្រុសអាយុ៤២ឆ្នាំ មុខរបរកសិករ រស់នៅភូមិ សង្កាត់កន្លែងកើតហេតុ ។
តាមការរៀបរាប់ពីប្រជាពលរដ្ឋដែលជា កសិករដូចគ្នាដែរនោះនិយាយប្រាប់ថា
ជនរងគ្រោះបេីកបរត្រាក់ទ័រទៅភ្ជួរដីធ្វើស្រែ ហេីយបានថយក្រោយក៏ជ្រុលចង្កូតធ្លាក់ចូលប្រឡា បណ្តាលអោយត្រាក់ទ័រសង្កត់ស្លាប់ភ្លាមៗ។
ចំពោះករណីនេះ សមត្ថកិច្ចមូលដ្ឋានបានចុះពិនិត្យ ហេីយបានសន្និដ្ឋានថាជនរងគ្រោះពិតជាជួបគ្រោះថ្នាក់ដោយសារត្រាក់ទ័រក្រឡាប់ពីលើពិតប្រាកដមែន ។ ក្រោយធ្វើកំណត់ ហេតុរួច ប្រគល់សពទៅឲ្យសាច់ញាតិ ក្រុមគ្រួសារដើម្បីរៀបចំធ្វើបុណ្យតាមប្រពៃណី៕ ស សារ៉េត
