ភ្នំពេញ ៖ ក្រុមអ្នកព្យាករក្រសួងធនធានទឹក និងឧតុនិយមបានជូនដំណឹងស្តីពីស្ថានភាពធាតុអាកាសថា ចាប់ពីថ្ងៃទី ២៩ ខែមេសា ដល់ថ្ងៃទី ០៥ ខែឧសភា ឆ្នាំ២០២០ តំបន់ទំនាបកណ្តាល តំបន់ជួរភ្នំដងរែក និងតំបន់មាត់សមុទ្រ មានសីតុណ្ហភាពឋិតក្នុងកម្រិតប្រហាក់ប្រហែលគ្នា នឹងអាចមានភ្លៀងពីតិចទៅមធ្យម និងទៅបង្គួរ ។
ផ្អែកតាមការព្យាករខាងលេីនេះ ក្រុមការងារក្រសួងធនធានទឹក និងឧតុនិយម បានបញ្ជាក់មូលហេតុថា ដោយសារតែជ្រលងនៃសម្ពាធខ្ពស់ពីប្រទេសចិន មានឥទ្ធិពលខ្សោយគ្របដណ្តប់លើកម្ពុជា។ នេះបេីយោងតាមសេចក្តីប្រកាសជូនដំណឹងចុះថ្ងៃទី២៨ ខែមេសា ឆ្នាំ២០២០ ដែលអង្គភាព នគរដ្រេហ្គន ទទួលបាន នៅព្រឹកថ្ងៃខែដដែលនេះ ។
ក្រៅនេះ ក្រុមការងារក្រសួងធនធានទឹក ក៏នៅតែបន្តអំពាវនាវប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ដែលអាចកើតមាន នៅបណ្តាខេត្តជាប់សមុទ្រ ចាប់ពីថ្ងៃទី២៩ ខែមេសា ដល់ថ្ងៃទី ០១ ខែឧសភាឆ្នាំ២០២០ផងដែរ ។
ខាងក្រោមនេះដែលបានព្យាករបង្ហាញថា ស្ថានភាពបែបនេះ ធ្វើឲ្យចាប់ពីថ្ងៃទី ២៩ ខែមេសា ដល់ថ្ងៃទី ០៥
ខែឧសភា ៖
១- បណ្ដាខេត្តនៅតំបន់វាលទំនាបកណ្ដាល ៖
– សីតុណ្ហភាពអប្បបរមា មានពី ២៥-២៧°C
– សីតុណ្ហភាពអតិបរមា មានពី ៣៤-៣៧°C ។ ផ្នែកខ្លះនៅភាគពាយ័ព្យ និងភាគខាងត្បូង នឹងអាចមានភ្លៀងខ្សោយទៅមធ្យម។
២- បណ្តាខេត្តនៅតំបន់ជួរភ្នំដងរែក និងខ្ពង់រាបឦសាន ៖
– សីតុណ្ហភាពអប្បបរមា មានពី ២៤-២៦°c
– សីតុណ្ហភាពអតិបរមា មានពី ៣៣-៣៦°c ។ ២។
– នៅបណ្តាខេត្តខ្លះអាចមានភ្លៀងធ្លាក់ខ្សោយ ។
៣- បណ្តាខេត្តនៅតំបន់មាត់សមុទ្រ ៖
– សីតុណ្ហភាពអប្បបរមា មានពី ២៥-២៧°C
– សីតុណ្ហភាពអតិបរមា មានពី ៣២-៣៤°c ។ នឹងអាចមានភ្លៀងធ្លាក់រាយប៉ាយនៅក្នុងកម្រិតពីតិចទៅបង្គរ ៕ ដោយ ៖ សុខខេមរា
