ហេតុការណ៍នេះកើតឡើងកាលពីវេលាម៉ោង ១០ និង ៥០ នាទីយប់ថ្ងៃទី ១៥ ខែឧសភាឆ្នាំ ២០២០​ នៅចំណុចស្តុបណូគាតាមបណ្តោយផ្លូវ ២៧១ ក្នុងសង្កាត់អូរបែកក្អម ខណ្ឌសែនសុខរាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់រួមដំណើរនឹងបុរសម្នាក់ទៀតបើករថយន្តឃ្លុបម៉ាកIZUZUពណ៌សពាក់ស្លាកលេខភ្នំពេញ3D-5139ធ្វើដំណើរទិសដៅពីជើងទៅត្បូងលុះមកដល់ចំណុចកើតហេតុខាងលើបានឈប់នៅភ្លើងស្តុបខណះនោះក៏មានរថយន្តមួយគ្រឿងម៉ាកហុីយ៉ាន់ដាយ ស្តារុិចពណ៌ទឹកប្រាក់ពាក់ស្លាកលេខភ្នំពេញ2AH-2328​ បើកបុរសជនជាតិចិនម្នាក់ធ្វើដំណើរមកពីក្រោយបុកពេញទំហឹងបណ្ដាលឲ្យរថយន្តបង្កខូចខាតផ្នែកខាងមុខយ៉ាងដំណំចំណែកឯរថយន្តរងគ្រោះរងការខូចខាតបន្តិចបន្តួច។បន្ទាប់មកម្ចាស់រថយន្តបង្កអង្គុយក្នុងរថយន្តធ្វើព្រងើយដោយមិនបានចុះមកធ្វើការដោះស្រាយជាមួយខាងម្ចាស់រថយន្តរងគ្រោះទេ។

ក្រោយកើតហេតុសមត្ថកិច្ចមូលដ្ឋានបានចុះមកដល់និងមានតំណាងខាងរថយន្តជនជាតិចិនចុះមកដល់កន្លែងកើតហេតុនិងធ្វើការសម្របសម្រួលគ្នាដោយភាគីបង្កបានចេញសំណងចំនួន៥០ ដុល្លារទៅឲ្យភាគីរងគ្រោះដើម្បីបញ្ចប់រឿងនៅនឹងកន្លែងកើតហេតុ៕ដោយ​៖ សុខាសែនជ័យ​