ភ្នំពេញ៖ ស្ត្រីម្នាក់បានរងរបួសធ្ងន់ខណៈកំពុងដើរឆ្លងផ្លូវត្រូវជនសង្ស័យ២នាក់មកធ្វើសកម្មភាពឆក់ខ្សែកបានសម្រេចរួចជិះគេចខ្លួនបាត់ កាលពីវេលាម៉ោង២ និង២០នាទីថ្ងៃទី១៨ ខែមករា ឆ្នាំ២០១៦ តាមបណ្តោយផ្លូវព្រះសីហនុ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ៕
ស្រ្តីជនរងគ្រោះមានឈ្មោះ ជា សុខា ភេទស្រីអាយុ៥០ឆ្នាំ ។
បើតាមប្រភពព័ត៌មានពីអ្នករត់ម៉ូតូឌុបម្នាក់ដែលនៅនឹងកន្លែងកើតហេតុបានឲ្យដឹងថា គាត់បានឃើញ ស្ត្រីវ័យចំណាស់ម្នាក់បានដើរឆ្លងផ្លូវពីលិចមកកើតតាមបណ្ដោយផ្លូវព្រះសីហនុ ស្រាប់តែលេចមុខជនសង្ស័យ២នាក់ ជិះម៉ូតូ១គ្រឿងម៉ាកហុងដាឌ្រីម សេ125 ពណ៍ខ្មៅអត់ចាំពាក់ស្លាកលេខ ក៏បានមកធ្វើសកម្មភាពឆក់ខ្សែកពីស្ត្រីរងគ្រោះ ភ្លាមៗនោះជនសង្ស័យបានជិះម៉ូតូជិះរត់គេចខ្លួនបាត់សម្រោលតែម្តង។ ចំណែកស្ត្រីរងគ្រោះត្រូវបានរថយន្តសង្គ្រោះបន្ទាប់ដឹកយកទៅព្យាបាល៕
...
ដោយ៖ ស រស្មី
