ភ្នំពេញ៖ ជនសង្ស័យប្រុសស្រី២នាក់រួមនិងថ្នាំញៀនចំនួន១កញ្ចប់ធំត្រូវបានកម្លាំងអធិការដ្ឋាននគរបាលខណ្ឌសែនសុខធ្វើការបង្ក្រាបនិងឃាត់ខ្លួន កាលពីវេលាម៉ោ៣ និង៣០នាទីរសៀលថ្ងៃទី១៧ ខែមករា ឆ្នាំ២០១៦នៅចំណុចមុខមន្ទីរពេទ្យព្រះកុសុមះ(ពេទ្យលោកសង្ឃ)ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

ជនសង្ស័យទី១ឈ្មោះ សេង វាសនា ភេទប្រុស អាយុ១៩ឆ្នាំមុខរបរមិនពិត និងទី២ឈ្មោះ តេង លក្ខិណា ភេទស្រី អាយុ៣០ឆ្នាំមុខរបរមិនពិតអ្នកទាំង២ស្នាក់នៅបន្ទប់ជួលខាងលើ ។

លោក សារឹម វុទ្ធី អធិការរងខណ្ឌសែនសុខបានអោយដឹងថា ដោយមានការបញ្ជាពីលោក ម៉ក់ ហុង អធិការនគរបាលខណ្ឌសែនសុខ បានអោយលោកដឹកនាំកម្លាំងផ្ទាល់ចុះធ្វើរដ្ឋបាលនៅចំណុចខាងលើព្រោះតំបន់នេះស្មុកស្មាញ និងសំបូរអ្នកប្រើប្រាស់គ្រឿងញៀនហើយក៍ឈានដល់ការឃាត់ខ្លួនជនសង្ស័យទាំងពីរនាក់ខាងលើរួមនិងថ្នាំក្រាមសថ្លាចំនួន១កញ្ចប់ធំ ។

បច្ចុប្បន្នជនសង្ស័យទាំង២នាក់កំពុងឃាត់ខ្លួននៅអធិការរដ្ឋាននគរបាលខណ្ឌសែនសុខដើម្បីចាត់ការបន្តតាមនិតិវិធី ៕

ដោយ៖ តុង សីហា