ខេត្ដស្ទឹងត្រែង៖ គំនរឈើប្រណីត យ៉ាងសន្ធឹកសន្ធាប់រាប់ពាន់កំណាត់នៅ ក្នុងឃ្លាំងចំនួន២ធំៗរបស់ឧកញ៉ា ទ្រី ភាព ត្រូវបានសមត្ថកិច្ចចម្រុះក្រោម ការដឹកនាំពីលោក ជា ពេជ្រ ព្រះរាជ អាជ្ញានៃអយ្យការអមសាលាដំបូងខេត្ដ ស្ទឹងត្រែងបានចុះឆែកឆេរត្រួតពិនិត្យពី លិខិតអនុញ្ញាតនាព្រឹកថ្ងៃទី២០ ខែមករា ឆ្នាំ២០១៦ ។
នៅវេលាម៉ោង៨និង៣៥នាទីព្រឹក ថ្ងៃទី២០ កម្លាំងចម្រុះបានចុះទៅឆែក ឆេរពិនិត្យឃ្លាំងឈើប្រណីតរបស់ឧកញ៉ា ទ្រី ភាព នៅចំណុចគល់ស្ពានសេកុង ស្ថិតក្នុងភូមិលើ សង្កាត់ស្រះឫស្សី ក្រុង -ខេត្ដស្ទឹងត្រែង ឃើញឈើរាប់ពាន់ កំណាត់ប្រភេទធ្នង់ និងសុក្រំ ។ រហូត ដល់ម៉ោង១២និង៣០នាទីរសៀលថ្ងៃ ដដែលសមត្ថកិច្ចបន្ដប្រតិបត្ដិការទៅ ឆែកឆេរនៅឃ្លាំងឈើប្រណីតចំណុច ឃ្លាំងវ៉ៃថ្ម ស្ថិតក្នុងភូមិសំរោង ឃុំស្រែ សំបូរ ស្រុកសៀមប៉ាង ខេត្ដស្ទឹងត្រែង ក្នុងនោះមានប្រភេទឈើសុក្រំ ឈើខ្លុង អារជាជ្រុងមុខកាត់ធំៗ គំនរគដូចភ្នំ ។
មកទល់នឹងវេលាម៉ោង៤រសៀល ថ្ងៃទី២០ ខែមករា ឆ្នាំ២០១៦ ទាំងជំនាញ រដ្ឋបាលព្រៃឈើ ព្រះរាជអាជ្ញា និងសមត្ថ កិច្ចក្នុងគណៈកម្មការចម្រុះមិនទាន់ បញ្ជាក់ប្រាប់នៅឡើយទេថា ឈើរាប់ ពាន់កំណាត់របស់ឧកញ៉ា ទ្រី ភាព មាន លិខិតអនុញ្ញាតត្រឹមត្រូវឬមួយយ៉ាងណាទេ ។ ប៉ុន្ដែសមត្ថកិច្ចនិងមន្ដ្រីជំនាញ ត្រួតពិនិត្យផ្ទៀតផ្ទាត់ឯកសារច្បាប់ បណ្ដើរ សមត្ថកិច្ចនិងក្រុមការងារក៏បន្ដ ប្រតិបត្ដិការធ្វើដំណើរទៅកាន់តាម បន្ទាត់ព្រំដែនកម្ពុជា-ឡាវដើម្បីប្រមាញ់ មើលទីតាំងស្កុកឈើខុសច្បាប់ ។
គេបានរាយការណ៍មកថា ក្រុមការ ងារបានចុះទៅដល់ទីតាំងយោធាវរៈព្រំ ដែនលេខ១០១នៃយោធភូមិភាគទី១ បង្គោលព្រំដែនលេខ៧៥ ប៉ុន្ដែមិនទាន់ ទទួលបានព័ត៌មានពិស្ដារថានៅទីនោះ មានការលាក់ទុកឈើយ៉ាងណានោះទេ ។
គួររំលឹកថា កន្លងទៅលោក អ៊ុក គឹមសាន ដែលជាដៃស្ដាំរបស់ឧកញ៉ា ទ្រី ភាព តែងតែបានប្រមូលទិញឈើពី ប្រជាពលរដ្ឋ ពីឈ្មួញប្រមូលទិញពីតំបន់ ឧទ្យានជាតិវីរជ័យ ពីឈ្មួញ ពីសមត្ថកិច្ច តាមព្រំដែនកម្ពុជា-ឡាវដឹកយកមក គរទុកចំណុចឃ្លាំងវ៉ៃថ្មដើម្បីជាការបន្លំ បញ្ជាក់ថា ឈើទាំងនោះបានប្រមូលក្នុង ដីព្រៃសម្បទានស្របច្បាប់ ។ ប៉ុន្ដែធាតុ ពិតឈើមួយចំនួនត្រូវបានដឹកពីខេត្ដ ស្ទឹងត្រែងឆ្លងកាត់ខេត្ដព្រះវិហារឆ្ពោះ មកចំណុចត្មាតពង ក្នុងទឹកដីខេត្ដកណ្ដាល ព្រំប្រទល់ខេត្ដកំពង់ស្ពឺដាក់ចូលឃ្លាំងដ៏ ធំទល់មុខភ្នំតូចតាមបណ្ដោយផ្លូវលេខ ៥១ ។
ប្រភពព័ត៌មានគួរឱ្យទុកចិត្ដខ្លះបាន បង្កើបឱ្យដឹងថា ក្រុមរកស៊ីឈើប្រណីត របស់អ៊ុក គឹមសាន និងដៃគូមួយចំនួន ទៀតបានប៉ែងជែងគ្នាជាមួយក្រុមឧកញ៉ា លឹម ប៊ុនណា និងឧកញ៉ា សឹង សំអុល ឧកញ៉ា វ័ន ប៊ុនថៃ ហៅឧកញ៉ាថៃ ។ បាន ន័យថា ក្រុមរបស់ខាងអ៊ុក គឹមសាន មិនអាចមានសិទ្ធិក្នុងការដឹកជញ្ជូនឈើ ចេញពីខេត្ដស្ទឹងត្រែងយកមកចូលទឹកដី ខេត្ដត្បូងបន្ដទៅប្រទេសវៀតណាមតាម ច្រកចាន់មូល ដូនរ័ត្ន ច្រកដា ឬដូង ប្រាំពីរដើម ទន្លេចាបនោះបានទេ លើក លែងតែក្រុមឧកញ៉ា លឹម ប៊ុនណា ឧកញ៉ា សឹង សំអុល ឧកញ៉ា វ័ន ប៊ុុនថៃ ហៅ ឧកញ៉ាថៃ ទើបឆ្លងកាត់ និងឆ្លងទៅវៀត ណាមបាន ។
យុទ្ធនាការបង្ក្រាបបទល្មើសព្រៃឈើ ជាលក្ខណៈទ្រង់ទ្រាយធំតាមបទបញ្ជា អនុសាសន៍របស់សម្ដេចតេជោ ហ៊ុន សែន នាយករដ្ឋមន្ដ្រីពិតជាមានការគាំ ទ្រពីមជ្ឈដ្ឋានប្រជាពលរដ្ឋក្នុងក្របខ័ណ្ឌ ទូទាំងប្រទេស ក្នុងនោះក្នុងនាមនាយ ឧត្ដមសេនីយ៍ សៅ សុខា អគ្គមេបព*ា្ជា ការរងកងយោធពលខេមរភូមិន្ទ និងជា មេបញ្ជាការកងរាជអាវុធហត្ថលើផ្ទៃ ប្រទេស ប្រធានគណៈកម្មការជាតិដើម្បី ទប់ស្កាត់បង្ក្រាបបទល្មើសព្រៃឈើ ហើយ លោកឧត្ដមសេនីយ៍ឯក ហួរ សាគុណ អគ្គស្នងការរងនគរបាលជាតិ និងជា ប្រធាននាយកដ្ឋានកណ្ដាលនគរបាល ការពារព្រំដែនជាអនុប្រធាន លោក ឆេង គឹមសុន ប្រធានរដ្ឋបាលព្រៃឈើ តំណាងក្រសួងកសិកម្ម រុក្ខាប្រមាញ់ និង នេសាទ សមាជិក លោក ផៃ ប៊ុនឈឿន តំណាងក្រសួងបរិស្ថាន ជាសមាជិក និង គ*ណៈអភិបាលនៃអភិបាលខេត្ដចំនួន៦ រូបទៀតជាសមាជិក ឃើញថា យុទ្ធនា ការបោសសម្អាតបទល្មើសព្រៃឈើ ទទួលបានលទ្ធផលគួរជាទីមោទនៈ និង ប្រកបដោយតម្លាភាព ។
ក្នុងនោះនាយ ឧត្ដមសេនីយ៍ សៅ សុខា ថែមទាំងបាន ដឹកនាំក្រុមការងារតាមឧទ្ទម្ភាគចក្រ តាមរថយន្ដទៅកាន់ទីតាំងកន្លែងលាក់ ទុកឈើល្មើសច្បាប់ក្នុងព្រៃ ក្នុងឃ្លាំង ស្ដុកដើម្បីត្រួតពិនិត្យឈើទាំងនោះមាន ច្បាប់ ឬអត់ច្បាប់ ហើយករណីខ្លះក៏ តម្រូវឱ្យក្រុមមន្ដ្រីជំនាញស៊ើបអង្កេត តាមដានរាល់ឈ្មួញដែលពាក់ព័ន្ធនោះ ផងដែរ ៕
ដោយ៖ សុខ ខេមរា
